କଂଗ୍ରେସ ଏବଂ ଅନ୍ୟ ବିରୋଧୀ ଦଳ କୃଷି ଆଇନକୁ ନେଇ ଭ୍ରମ ସୃଷ୍ଟି କରୁଛନ୍ତି : ଶିବରାଜ

ଭୋପାଳ : ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ରବିବାର ଦିନ ସିଙ୍ଗରୌଲିରେ ଏୟାରଷ୍ଟ୍ରିପ୍ର ଭର୍ଚୁଆଲ୍ ଭୁମି ପୂଜନ କରିଥିଲେ। ଏହି ଅବସରରେ ସିଙ୍ଗରୌଲିର ବିକାଶ ବ୍ୟତୀତ ମୁଖ୍ୟମନ୍ତ୍ରୀ କୃଷକମାନଙ୍କ ବିଷୟରେ ମଧ୍ୟ ଆଲୋଚନା କରିଥିଲେ। ସେ ଅଭିଯୋଗ କରିଛନ୍ତି ଯେ କୃଷି ସଂସ୍କାର ଉପରେ ଆଇନ ପ୍ରଣୟନ କରିବାକୁ କଂଗ୍ରେସ ପ୍ରତିଶ୍ରୁତି ଦେଇଥିଲା। ବର୍ତ୍ତମାନ ମୋଦୀ ସରକାର କୃଷକଙ୍କ ସ୍ୱାର୍ଥ ପାଇଁ ଏହି ଆଇନ କାର୍ୟ୍ୟକାରୀ କରିଛନ୍ତି, ତେବେ କଂଗ୍ରେସ ୟୁ ଟର୍ଣ୍ଣ ନେଉଛି କଂଗ୍ରେସ ସମେତ ଅନ୍ୟ ବିରୋଧୀ ଦଳମାନେ ସେମାନଙ୍କ ସୁବିଧା ପାଇଁ ଆଇନ ବିଷୟରେ ଭ୍ରମ ସୃଷ୍ଟି କରୁଛନ୍ତି ।

ବଜାର ରହିବ ଏବଂ ସେ ଅନ୍ୟ ବିକଳ୍ପ ମଧ୍ୟ ପାଇବେ, ପ୍ରତିଯୋଗିତା ବଜାର ଯୋଗୁ କୃଷକ ନିଜର ପରିଶ୍ରମ ପାଇଁ ଉପଯୁକ୍ତ ମୂଲ୍ୟ ପାଇବ।
ସେ କହିଛନ୍ତି ଯେ ଦିଲ୍ଲୀ କମ୍ପାନୀ ହୋଶଙ୍ଗାବାଦର ଚାଷୀଙ୍କ ସହ ଚୁକ୍ତି କରିଥିଲା। ସେ ଉତ୍ପାଦ କିଣୁଥିଲେ ମଧ୍ୟ ମୂଲ୍ୟ ବୃଦ୍ଧି ହେଲେ କ୍ରୟ ବନ୍ଦ କରିଦେଲା । ଏହି କମ୍ପାନୀ ବିରୁଦ୍ଧରେ ନୂତନ କୃଷି ନିୟମ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା ଏବଂ କୃଷକମାନେ ୨୪ ଘଣ୍ଟା ମଧ୍ୟରେ ନ୍ୟାୟ ପାଇଲେ।