ଭାରତକୁ ପ୍ରଥମେ ମିଳିବ ‘କୋଭିସିଲ୍ଡ’ର ୪-୫ କୋଟି ଡୋଜ : ସେରମ୍ ପ୍ରତିଷ୍ଠାନ

ପୁଣେ :  ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସିଇଓ ଆଦର ପୁନାୱାଲା  ସୋମବାର ଏକ ଆସ୍ବସ୍ତିକର ଖବର ଦେଇଛନ୍ତି। ସେ କହିଛନ୍ତି  ଯେ କରୋନା ଟିକା ‘କୋଭିସିଲ୍ଡ’ର ୪-୫ କୋଟି ଡୋଜ୍ ପ୍ରଥମେ ଭାରତକୁ ଦିଆଯିବ।

ସେ କହିଛନ୍ତି ଯେ ଆମ ପାଖରେ ‘କୋଭିସିଲ୍ଡ’ର ୪-୫ କୋଟି ଡୋଜ୍ ଅଛି । କିଛି ଦିନ ମଧ୍ୟରେ ଅମକୁ ଔଷଧ ନିୟାମକ ଆୟୋଗର ଅନୁମୋଦନ ମିଳିବା ପରେ, କେତେ ସମୟ ମଧ୍ୟରେ ଓ କେତେ ଶୀଘ୍ର କେତେ ଟିକା ନେଇପାରିବ ତାହା ସରକାର ସ୍ଥିର କରିବେ। ଜୁଲାଇ ୨୦୨୧ ସୁଦ୍ଧା ଆମେ ପ୍ରାୟ ୩୦ କୋଟି ଡୋଜ୍ ଉତ୍ପାଦନ କରିବୁ।

The first six months of 2021 will see a shortage globally. Nobody can help that. But we will see easing off by August-September 2021 as other vaccine manufactures also being able to supply: Adar Poonawalla, Serum Institute of India https://t.co/itZfWEj2FN

— ANI (@ANI) December 28, 2020

ସେ ଆହୁରି ମଧ୍ୟ କହିଛନ୍ତି ଯେ ୨୦୨୧ର ପ୍ରଥମ ଛଅ ମାସରେ ବିଶ୍ୱ ସ୍ତରରେ ଟିକାରରେ ଅଭାବ ଦେଖିବାକୁ ମିଳିବ। ତେବେ ଏହାର କୌଣସି ସମାଧାନ ମଧ୍ୟ ହୋଇପାରିବ ନାହିଁ। କିନ୍ତୁ ଅଗଷ୍ଟ-ସେପ୍ଟେମ୍ବର ୨୦୨୧ ସୁଦ୍ଧା ଅନ୍ୟ ଟିକା ଉତ୍ପାଦନକାରୀମାନେ ମଧ୍ୟ ଏହି ଟିକା ଯୋଗାଇବାରେ ସକ୍ଷମ ହେବେ।