MEllora 950×100

ସଚିବାଳୟରେ ଚାକିରି କରୁଥିବା କର୍ମଚାରୀଙ୍କୁ ଲୋନ୍‌ କରାଇବା ନାଁରେ ୨୬,୮୧,୨୫୦/- ଠକି ନେଇଥିଲେ ସାଇବର ଠକ – ଦୁଇ ଠକଙ୍କୁ ବାନ୍ଧିଲା ସାଇବର ଥାନା ପୁଲିସ

ଭୁବନେଶ୍ୱର – ଗତ ତା ୨୫.୦୮.୨୦୨୨ରିଖରେ ଅଭିଯୋଗକାରୀ ଅଭିଶେଖ ହୋତାଙ୍କ ଅଭିଯୋଗକ୍ରମେ ସାଇବର କ୍ରାଇମ ଓ ଅର୍ଥନୈତିକ ଅପରାଧ ଥାନାରେ ଉପରୋକ୍ତ ମାମଲା ରୁଜୁ କରଯାଇଥିଲା। ସାଇବର ଓ ଅର୍ଥନୈତିକ ଅପରାଧ ଥାନା ପୁଲିସ ମାମଲାର ତଦନ୍ତ କରି ସମ୍ପୃକ୍ତ ଅଭିଯୁକ୍ତ ଦ୍ଵୟଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।

ସୂଚନାଯୋଗ୍ୟ ଯେ, ଅଭିଯୋଗକାରୀ ଜଣେ ସରକାରୀ କର୍ମଚାରୀ ଏବଂ ସେ ଓଡିଶା ସଚିବାଳୟରେ କାର୍ଯ୍ୟ କରନ୍ତି। ଚଳିତ ବର୍ଷ ଜୁନ ମାସରେ ଅଭିଯୁକ୍ତମାନେ ଯୋଜନା ମୁତବକ ଠକେଇ କରିବା ଉଦେଶ୍ୟ ନେଇ ଜଣେ ଯୁବତୀଙ୍କ ପରିଚୟରେ ୮୮୮୧୩୮୧୬୩୯ ନମ୍ବରରୁ ଅଭିଯୋଗକାରୀଙ୍କୁ ଫୋନ କରିଥିଲେ ଏବଂ ନିଜକୁ ବାଜାଜ ଫାଇନାନ୍ସରେ କାର୍ଯ୍ୟ କରୁଥିବା କର୍ମଚାରୀ ପରିଚୟ ଦେଇଥିଲେ । ଅଭିଯୁକ୍ତମାନେ ପ୍ରଥମେ ୧୦ଲକ୍ଷର ଏକ ଲୋନ ଦେବାକୁ କହିଥିଲେ ଏବଂ ଯାହାର ପ୍ରଥମ କିସ୍ତି ୨୫୦୦୦/- ଟଙ୍କା ଯାହାକୁ ଅଭିଯୋଗକାରୀ ପ୍ରଥମେ ଭରିବାକୁ ପଡିବ କହିଥିଲେ। ଅଭିଯୁକ୍ତ ମାନେ ପୁନର୍ବାର ଲୋନ ଏଗ୍ରୀମେଣ୍ଟ, ଷ୍ଟାମ୍ପ ଡ୍ଯୁଟି ଓ ଇନଶୋରେନ୍ସ,ପ୍ରୋସେସିଂ ଫିସ ବାବଦକୁ ବିଭିନ୍ନ ନାମଧାରୀ ଲୋକ ଯଥା ଶିଙ୍ଘାନିଆ, ବିନସିଂହ ବାତ୍ରା, ଯଥାକ୍ରମେ ୯୬୮୨୪୩୭୩୩୨, ୮୪୩୩୩୭୮୪୩୮, ୭୩୭୯୧୧୫୩୨୧, ୮୧୧୨୭୪୧୫୯୭ ଏବଂ ୭୩୧୦୪୫୦୪୮୦ ଆଦି ଫୋନ ନମ୍ବରରୁ ଫୋନ କରି ଗୋଟିଏ ୟସ ବ୍ୟଙ୍କ ଆକାଉଣ୍ଟ ଯାହାର ନମ୍ବର ୦୫୫୪୫୧୪୦୦୦୦୪୧୩୮ କୁ ଟଙ୍କା ପଠାଇବାକୁ କହିଥିଲେ। ଅଭିଯୋଗକାରୀଙ୍କର ବିଶ୍ଵାସ ଆସିବାରୁ ସେ ବିଭିନ୍ନ ପର୍ଯ୍ୟାୟ ରେ ସମୁଦାୟ ୨୬,୮୧,୨୫୦/- ସମ୍ପୃକ୍ତ ଆକାଉଣ୍ଟ କୁ ପଠେଇ ଥିଲେ । ପରବର୍ତୀ ସମୟରେ ଅଭିଯୁକ୍ତମାନେ କୌଣସି ଲୋନ ନଦେବାରୁ ଅଭିଯୋଗକାରୀଙ୍କର ସନ୍ଦେହ ହୋଇଥିଲା ଏବଂ ସେ ଆକାଉଣ୍ଟର ମାଲିକ ଅଙ୍କିତ କୁମାର ସିଂହକୁ ଯୋଗାଯୋଗ କରି ବିଫଳ ହୋଇଥିଲେ। ଅଭିଯୋଗକାରୀ ଠକାମିର ଶିକ୍ଷାର ହୋଇସାରିଥିବା ଜାଣିପାରି ଏନଇ ସାଇବର କ୍ରାଇମ ଓ ଅର୍ଥନୈତିକ ଅପରାଧ ଥାନାରେ ଅଭିଯୋଗ କରିଥିଲେ । ସାଇବର କ୍ରାଇମ ଓ ଅର୍ଥନୈତିକ ଅପରାଧ ଥାନା ପୁଲିସ ମାମଲାର ତଦନ୍ତ କରି ନିମ୍ନୋକ୍ତ ଅଭିଯୁକ୍ତମାନଙ୍କୁ କାବୁ କରି ତଦନ୍ତ ପାଇଁ ଥାନାକୁ ଆଣିଥିଲେ।
ତଦନ୍ତ ସମୟରେ ଅଭିଯୁକ୍ତା ନିଜର ଦୋଷ ସ୍ଵୀକାର କରିଥିଲେ ଏବଂ ଏହା ମଧ୍ୟ ସ୍ଵୀକାର କରିଥିଲେ ଯେ ଉଭୟ ଦୁଇ ଭାଇ ମିଳିତ ଭାବରେ ଏହିପରି ଠକେଇ ଅନେକ ଆଗରୁ କରିଆସୁଛନ୍ତି। ତଦନ୍ତ ଶେଷରେ ଆଜି ସେମାନଙ୍କୁ କୋର୍ଟ ଚାଲାଣ କରାଯାଇଛି ।

Comments are closed.