ସରକାରୀ ସ୍କୁଲରେ ହ୍ବାଟସ୍‌ଆପ୍‌ରେ ନାମଲେଖା

ଭୁବନେଶ୍ବର: କୋଭିଡ୍‌-୧୯ ମହାମାରୀ ସ୍ଥିତିରେ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଜୁଲାଇ ୧୫ ମଧ୍ୟରେ ଛାତ୍ରଛାତ୍ରୀଙ୍କ ନାମଲେଖା ପ୍ରକ୍ରିୟା ସମ୍ପନ୍ନ କରିବାକୁ ନିର୍ଦେଶ ଜାରି କରାଯାଇଛି। ଏହି ପରିପ୍ରେକ୍ଷୀରେ ବର୍ତ୍ତମାନ ବୈଷୟିକ ଜ୍ଞାନକୌଶଳର ଉପଯୋଗ କରି ସରକାରୀ ବିଦ୍ୟାଳୟଗୁଡ଼ିକରେ ଟେଲିଫୋନ ଓ ହ୍ୱାଟସ୍‌ଆପ୍‌ ଯୋଗେ ଛାତ୍ରଛାତ୍ରୀମାନଙ୍କର ନାମଲେଖା କାର୍ଯ୍ୟ ସମ୍ପୂର୍ଣ୍ଣ କରିବାକୁ ବ୍ୟବସ୍ଥା ଗ୍ରହଣ କରିଛନ୍ତି। ଏହା ଦ୍ୱାରା ଛାତ୍ରଛାତ୍ରୀ ଓ ସେମାନଙ୍କ ପିତାମାତାମାନଙ୍କୁ ନାମଲେଖା ପାଇଁ ବିଦ୍ୟାଳୟ ପରିସରକୁ ନ ଆସିବା ନିଶ୍ଚିତ କରାଯାଇଛି। ଫଳରେ ପିତାମାତା ଓ ଅଭିଭାବକମାନେ ସେମାନଙ୍କ ପୁଅଝିଅଙ୍କ ନାମଲେଖା ହ୍ବାଟ୍‌ସଆପ୍‌ ଜରିଆରେ କରୁଥିବା ଜଣାପଡ଼ିଛି। ପିତାମାତା ଓ ଅଭିଭାବମାନେ ସ୍କୁଲକୁ ନ ଆସି ଘରେ ରହି ସେମାନଙ୍କ ପୁଅଝିଅଙ୍କ ନାମ ଲେଖାଇପାରୁଛନ୍ତି।
ରାଜ୍ୟ ସରକାର ଜାରି କରିଥିବା କରୋନା କଟକଣା ଅନୁପାଳନ ସହିତ ପ୍ରଥମ ଶ୍ରେଣୀରୁ ଦଶମ ଶ୍ରେଣୀ ପର୍ଯ୍ୟନ୍ତ ସରକାରୀ ବିଦ୍ୟାଳୟଗୁଡ଼ିକରେ ଜୁଲାଇ ୧୫ ସୁଦ୍ଧା ନାମଲେଖା ଯାଇପାରିବ ବୋଲି ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି।

Comments
Loading...