ସାମସଙ୍ଗ “ଗାଲାକ୍ସି ଏମ୍-୩୦ଏସ”ର ବଜାର ପ୍ରବେଶ

ନୂଆଦିଲ୍ଲୀ : ସାମସଙ୍ଗ କମ୍ପାନି ତାର ନୂଆ ସ୍ମାର୍ଟଫୋନ “ଗାଲାକ୍ସି ଏମ୍-୩୦ଏସ”ର ବଜାର ପ୍ରବେଶ କରିଛି। ଏଥିରେ ୪ଜିବି ରାମ ସହିତ ୧୨୮ଜିବି ଷ୍ଟୋରେଜ ରହିଛି। ଏହା ପୂର୍ବରୁ ସାମସଙ୍ଗ ଗାଲାକ୍ସି ଏମ୍-୩୦ଏସର ଦୁଇଟି ମଡ଼େଲରେ ବଜାର ପ୍ରବେଶ କରାଯାଇଥିଲା। ଯେଉଁଥିରୁ ଗୋଟିଏ ୪ ଜିବି ରାମ ସହିତ ୬୪ଜିବି ଷ୍ଟୋରେଜ୍ ଏବଂ ୬ଜିବି ରାମ ସହିତ ୧୨୮ଜିବି ଷ୍ଟୋରେଜ୍ ମଡେଲ ଅନ୍ତର୍ଭୁକ୍ତ ଥିଲା।
ସାମସଙ୍ଗ ଗାଲାକ୍ସି ଏମ୍-୩୦ଏସରେ ୬ହଜାର ଏମ୍ଏଚ୍ ବ୍ୟାଟେରି, ଟ୍ରିପଲ୍ ରିଅର କ୍ୟାମେରା ସେଟଅପ୍ ଏବଂ ୬.୪ ଇଞ୍ଚ ଇନଫିନିଟି ୟୁ ସୁପର ଏମୋଲେଡ ଡିସପ୍ଲେ ରହିଛି। ଯାହାର ରିଜୋଲ୍ୟୁସନ୍ ୧୦୮୦/୨୩୪୦ ପିକ୍ସେଲ। ଏହା ଆଣ୍ଡ୍ରଏଡ୍ ୯.୦ ପାଇ ଅପରେଟିଂ ସିଷ୍ଟମରେ କାମ କରିବ। ଉତ୍ତମ କାର୍ଯ୍ୟ ଦକ୍ଷତା ପାଇଁ, କମ୍ପାନୀ ଏହି ଫୋନରେ ଏକ ନୂତନ ଅକ୍ଟାକୋର ସାମସଙ୍ଗ ଏକ୍ସିନୋ ୯୬୧୧ ଚିପସେଟ୍ ଦେଇଛି।
ସାମସଙ୍ଗ ଗାଲାକ୍ସି ଏମ୍-୩୦ଏସର କ୍ୟାମେରା
ଏହି ଫୋନରେ ଟ୍ରିପଲ୍ ରିଅର କ୍ୟାମେରା ସେଟଅପ୍ ମିଳିବ। ଯେଉଁଥିରେ ୪୮ ମେଗାପିକ୍ସେଲ ପ୍ରାଥମିକ କ୍ୟାମେରା, ୮ ମେଗାପିକ୍ସେଲ ଅଲ୍ଟ୍ରା ୱାଇଣ୍ଡ ଆଙ୍ଗଲ୍ ଲେନ୍ସ ଏବଂ ୫ ମେଗାପିକ୍ସେଲର ଗଭୀରତା ସେନ୍ସର ରହିଛି। ଏହି ସମୟରେ ଉପଭୋକ୍ତାମାନେ ୧୬ ମେଗାପିକ୍ସେଲ କ୍ୟାମେରା ସହିତ ଏକ ଉଜ୍ଜ୍ୱଳ ସେଲଫି କ୍ଲିକ୍ କରିବାକୁ ସମର୍ଥ ହେବେ। ସଂଯୋଗୀକରଣ ଦୃଷ୍ଟିରୁ କମ୍ପାନି ଏହି ଫୋନରେ ୪ଜି ଭୋଲଟିଇ, ୱାଇ-ଫାଇ, ଜିପିଏସ୍, ବ୍ଲୁଟୁଥ୍ ୫.୦ ଏବଂ ୟୁଏସବି ପୋର୍ଟ ଭଳି ଫିର୍ଚର ରହିଛି।
ସାମସଙ୍ଗ ଗାଲାକ୍ସି ଏମ୍୩୦ଏସର ମୂଲ୍ୟ
ଏହାର ୪ଜିବି ରାମ + ୬୪ଜିବି ଷ୍ଟୋରେଜ୍ ମଡ଼େଲର ମୂଲ୍ୟ ୧୩ହଜାର ୯୯୯ଟଙ୍କା। ସେହିପରି ଏହାର ୪ଜିବି ରାମ୍ ଏବଂ ୧୨୮ ଜିବି ଷ୍ଟୋରେଜ ମଡେଲର ମୂଲ୍ୟ ୧୪ହଜାର ୯୯୯ ଟଙ୍କା ।