ସମାଜ ପ୍ରଭାବ: ଅଳିଆ ଆବର୍ଜନାରେ ପୂର୍ଣ୍ଣ ପୋଖରୀକୁ ପୌରସଂସ୍ଥା ତରଫରୁ ସଫା କରାଗଲା 

ନବରଙ୍ଗପୁର: ନବରଙ୍ଗପୁର ସହରର ମଧ୍ୟ ଭାଗରେ ଥିବା ଶହ ଶହ ବର୍ଷର ନୂଆବନ୍ଧ ସାହି ପୋଖରୀ ଅଳିଆ ଆବର୍ଜନାରେ ପୂର୍ଣ୍ଣ ହୋଇପଡ଼ିଥିବା ବେଳେ ଏହି ପୋଖରୀକୁ ନିତିଦିନ ଶହ ଶହ ଲୋକ ବ୍ୟବହାର କରୁଥିଲେ। ହେଲେ ବି ପ୍ରଶାସନ ତରଫରୁ ଏହାର ପୁନରୁଦ୍ଧାର କରାଯାଉନଥିବା ନେଇ ସମାଜ ଖବର କାଗଜରେ ପ୍ରସାରିତ ପରେ ନବରଙ୍ଗପୁର ପୌର ପରିଷଦ ତତ୍ପରତା ଦେଖାଇ ନୂଆବନ୍ଧ ସାହି ପୋଖରୀରୁ ଅଳିଆ ଓ ପଙ୍କ ବାହାର କରି ସଫା କରିବା କାର୍ଯ୍ୟ ଆରମ୍ଭ ହୋଇଯାଇଛି।

ନବରଙ୍ଗପୁର ସହରର ମଧ୍ୟଭାଗରେ ଥିବା ନୂଆବନ୍ଧ ସାହି ରାସ୍ତା କଡରେ ଅଛି ଶହ ଶହ ବର୍ଷର ପୁରୁଣା ପୋଖରୀ । ପ୍ରାୟତଃ ଅଧିକାଂଶ ଲୋକ ଏହି ପୋଖରୀ ଉପରେ ନିର୍ଭର କରିଥାନ୍ତି, ବିଶେଷତଃ ଗରିବ ଶ୍ରେଣୀର ଲୋକ ମାନେ ନିତିଦିନ ଏହି ପୋଖରୀରେ ଗାଧେଇବା ସହ ଲୁଗାପଟା ସଫା ଆଦି କରିଥାନ୍ତି, କିନ୍ତୁ ଦୁଃଖର ବିଷୟ ଏହି ପୋଖରୀକୁ ସଫା କରାଯାଉ ନ ଥିବା ଯୋଗୁଁ ଏଠାକାର ପାଣିର ରଙ୍ଗ ସବୁଜ ହୋଇ ଦୂଷିତ ହୋଇ ଗନ୍ଧମୟ ହୋଇ ପରିବେଶକୁ ଦୂଷିତ କରୁଥିଲା। ଏହି ପୋଖରୀ କଡ଼ ଦେଇ ଶହ ଶହ ସଂଖ୍ୟାରେ ଛାତ୍ର, ଛାତ୍ରୀ, ଡାକ୍ତର, ପ୍ରଫେସର ଏବଂ ଆଇନଜୀବୀ ପ୍ରମୁଖ ଯିବା ଆସିବା କଲାବେଳେ ପୋଖରୀର ପାଣିରୁ ଦୂଷିତ ଗନ୍ଧ ଯୋଗୁଁ ନାକରେ ହାତ ଦେଇ ଯାଉଥିବା ଖବର ସମାଜରେ ଖବର ପ୍ରସାରିତ ପରେ ଗତ କାଲିଠୁ ପୋଖରୀ ପାଣିରୁ ପଙ୍କ ଏବଂ ଅଳିଆ ସଫା କାର୍ଯ୍ୟ ଆରମ୍ଭ ହୋଇଯାଇଛି। ଏନେଇ ନବରଙ୍ଗପୁର ପୌର ନିର୍ବାହୀ ଅଧିକାରୀ ଗୌର ଚନ୍ଦ୍ର ପଟନାୟକଙ୍କ କହିବା ଅନୁଯାଇ ପୋଖରୀର ଅଳିଆ ସଫା ହେବା ପରେ ପାଣିକୁ ପରୀକ୍ଷା କରି ଦରକାର ପଡିଲେ ପାଣି ସଫା କରାଯିବ ବୋଲି କହିଛନ୍ତି।

Comments
Loading...