MEllora 950×100

ବାଇକ୍‌ ଦୁର୍ଘଟଣାରେ ଯୁବକ ମୃତ

ସାକ୍ଷୀଗୋପାଳ: ସତ୍ୟବାଦୀ ଥାନା ଅନ୍ତର୍ଗତ ପୁରୀ ଭୁବନେଶ୍ୱର ଜାତୀୟ ରାଜପଥର ପଟ୍ଟନାଇକିଆ ଛକ ନିକଟରେ ଶୁକ୍ରବାର ସକାଳ ୯ଟା ସମୟରେ ଏକ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଜଣେ ଯୁବକ ଘଟଣା ସ୍ଥଳରେ ପ୍ରାଣ ହରାଇଛନ୍ତି। ପିପିଲି ଥାନା ଅନ୍ତର୍ଗତ ମଙ୍ଗଳପୁର ପଞ୍ଚାୟତର ବରାଗଡ଼ ଗ୍ରାମର ଅଚ୍ୟୁତାନନ୍ଦ ଦାସ(୨୫) ଏକ ବାଇକ ଯୋଗେ ପୁରୀ ଯାଉଥିଲେ। ପଟ୍ଟନାଇକିଆ ଛକ ନିକଟରେ ମୃତକଙ୍କ ବାଇକ ସହିତ ଅନ୍ୟ ଏକ ବାଇକ ଦୁର୍ଘଟଣାଗ୍ରସ୍ତ ହୋଇଥିଲା। ମୃତକ ଅଚ୍ୟୁତାନନ୍ଦ ଦାସ ରାଜପଥ ଉପରକୁ ଛିଟ୍‌କି ପଡ଼ି ଗୁରୁତର ଆହତ ହୋଇଥିଲେ। ହାଇୱେ ପାଟ୍ରୋଲିଂ ଅଧିକାରୀ ଜି ଏନ ଖାଁ ଆହତ ଅଚ୍ୟୁତାନନ୍ଦ ଦାସଙ୍କୁ ଚିକିତ୍ସା ନିମନ୍ତେ ସାକ୍ଷୀଗୋପାଳ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ କାର୍ଯ୍ୟରତ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସତ୍ୟବାଦୀ ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପୁରୀ ପଠାଇଛି। ବାଇକଟି ଜବତ ହୋଇଛି। ଘଟଣାର ତଦନ୍ତ ଚାଲିଛି।

Comments are closed.