ତେନ୍ଦୁଲକରଙ୍କୁ ଲରିୟସ୍ ପୁରସ୍କାର
ବର୍ଲିନ୍ : ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ଲରିୟସ୍ କ୍ରୀଡ଼ା ମୁହୂର୍ତ୍ତ ପୁରସ୍କାର ମିଳିଛି। ଗତ ୨୦ ବର୍ଷ ମଧ୍ୟରେ ସର୍ବଶ୍ରେଷ୍ଠ କ୍ରୀଡ଼ା ମୁହୂର୍ତ୍ତ ପୁରସ୍କାର ପାଇଁ ଲରିୟସ୍ ତରଫରୁ ବିଭିନ୍ନ ଘଟଣାକୁ ସଂକ୍ଷିପ୍ତ ତାଲିକାଭୁକ୍ତ କରାଯାଇଥିଲା। ସର୍ବଶ୍ରେଷ୍ଠ କ୍ରୀଡ଼ା ମୁହୂର୍ତ୍ତ ପୁରସ୍କାର ପାଇଁ ଭୋଟ୍ ଦେବାକୁ ଲରିୟସ୍ ପ୍ରଶଂସକଙ୍କୁ କୁହାଯାଇଥିଲା। ଭାରତୀୟ କ୍ରିକେଟ୍ ପ୍ରଶଂସକଙ୍କ ଭୋଟ ବଳରେ ତେନ୍ଦୁଲକରଙ୍କୁ ଲରିୟସ୍ କ୍ରୀଡ଼ା ମୁହୂର୍ତ୍ତ ପୁରସ୍କାର ମିଳିଛି।
୨୦୧୧ରେ ଭାରତୀୟ ଦଳ ଦିନିକିଆ ବିଶ୍ବକପ୍ ଚମ୍ପିଆନ୍ ହେବା ପରେ ତେନ୍ଦୁଲକରଙ୍କୁ ସାଥୀ ଖେଳାଳିମାନେ କାନ୍ଧରେ ବସାଇ ପଡ଼ିଆ ସାରା ବୁଲାଇଥିଲେ। ଏହାକୁ ଲରିୟସ୍ କ୍ରୀଡ଼ା ମୁହୂର୍ତ୍ତ ପୁରସ୍କାର ମିଳିଛି। ବର୍ଲିନରେ ଆୟୋଜିତ ସ୍ବତନ୍ତ୍ର ଉତ୍ସବରେ ମହାନ୍ ଟେନିସ ଖେଳାଳି ବୋରିସ୍ ବେକର ବିଜେତା ଭାବେ ତେନ୍ଦୁଲକରଙ୍କ ନାମ ଘୋଷଣା କରିିଥିଲେ। ଅଷ୍ଟ୍ରେଲିଆ କ୍ରିକେଟ୍ ଦଳର ପୂର୍ବତନ ଅଧିନାୟକ ଷ୍ଟିଭ୍ ୱ ମାଷ୍ଟର ବ୍ଲାଷ୍ଟର ତେନ୍ଦୁଲକରଙ୍କୁ ପୁରସ୍କାର ପ୍ରଦାନ କରିଥିଲେ। ପୁରସ୍କାର ଜିତିବା ପରେ ନିଜ ପ୍ରତିକ୍ରିୟାରେ ତେନ୍ଦୁଲକର କହିଥିଲେ ଏହି ପୁରସ୍କାର ତାଙ୍କୁ ସ୍ବତନ୍ତ୍ର ଖୁସି ଦେଇଛି। ବିଶ୍ବବିଜୟୀ ଭାରତୀୟ ଦଳର ସଦସ୍ୟ ହେବା ଅନୁଭୂତିକୁ ସେ ବାକ୍ୟରେ ପ୍ରକାଶ କରିପାରିବେ ନାହିଁ। ପରବର୍ତ୍ତୀ ସମୟରେ ତେନ୍ଦୁଲକର ଟ୍ବିଟ୍ କରି ଏହି ପୁରସ୍କାର ସମଗ୍ର ଦେଶବାସୀ, ସାଥୀ ଖେଳାଳି ଓ କ୍ରିକେଟ୍ ପ୍ରଶଂସକଙ୍କ ନିମନ୍ତେ ଉତ୍ସର୍ଗ କରିଥିଲେ।
Thank you all for the overwhelming love and support!
I dedicate this @LaureusSport award to India ??, all my teammates, fans and well wishers in India and across the world who have always supported Indian cricket.#SportUnitesUs #Laureus20 #SportForGood pic.twitter.com/wiqx0D9e2E
— Sachin Tendulkar (@sachin_rt) February 18, 2020
Comments are closed.