୨୪ରୁ ଜୟଶଙ୍କରଙ୍କ ୫ ଦିନିଆ ଆମେରିକା ଗସ୍ତ; ଟିକା ଯୋଗାଣ ମୁଖ୍ୟ ପ୍ରସଙ୍ଗ

ନୂଆଦିଲ୍ଲୀ: ଭାରତର ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ଚଳିତ ମାସ ୨୪ ତାରିଖରେ ପାଞ୍ଚଦିନିଆ ଗସ୍ତରେ ଆମେରିକା ଯିବେ। ସୋମବାର ଦିନ ସେ ୱାଶିଂଟନରେ ଯାଇ ପହଞ୍ଚିବେ। ଚଳିତ ମାସ ୨୮ ତାରିଖ ପର୍ଯ୍ୟନ୍ତ ତାଙ୍କର ଏହି ଗସ୍ତ କାଳରେ ଭାରତକୁ କୋଭିଡ ଟିକା ଯୋଗାଣ ମୁଖ୍ୟ ପ୍ରସଙ୍ଗ ହେବ ଏବଂ ତାହାସହିତ ଆମେରିକୀୟ କମ୍ପାନୀ ସହିତ ମିଶି ଭାରତରେ ଟିକା ଉତ୍ପାଦନ ମଧ୍ୟ ଆଲୋଚନାରେ ସ୍ଥାନପାଇବ ବୋଲି ଏକ ସୂତ୍ରରୁ ଜୁହାଯାଇଛି। ଜୟଶଙ୍କର ଆମେରିକାର ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କେନ ସହିତ ଆଲୋଚନା କରିବେ। ଏଥିସହିତ ସେ ତାଙ୍କର ଏହି ଗସ୍ତକାଳରେ ବାଇଡେନ ପ୍ରଶାସନର ଅନ୍ୟ ବରିଷ୍ଠ ଅଧିକାରୀଙ୍କୁ ଭେଟିବା କାର୍ଯ୍ୟକ୍ରମ ରହିଛି। ନ୍ୟୁୟର୍କରେ ସେ ଜାତିସଂଘ ମହାସଚିବ ଆଣ୍ଟୋନିଓ ଗୁଟେରସଙ୍କୁ ସାକ୍ଷାତ କରିବେ। ସରକାରୀ ସୂତ୍ର ଅନୁଯାୟୀ ଜୟଶଙ୍କର ଅର୍ଥନୈତିକ ଏବଂ କୋଭିଡ ସମ୍ପର୍କିତ ସହଯୋଗ ଆଦି ମୁଖ୍ୟତଃ ଦୁଇଟି ବିଷୟରେ ଆଲୋଚନା କରିବେ।

Comments
Loading...