କ୍ରେମ୍ଲିନ୍: ମହାକାଶରେ ବିଶ୍ବର ପ୍ରଥମ ଚଳଚ୍ଚିତ୍ର ସୁଟିଂ ଶେଷ କରି ରୁଷିଆର ପ୍ରସିଦ୍ଧ ଅଭିନେତ୍ରୀ ଜୁଲିଆ ପେରରେସିଲ୍ଡ ରବିବାର ପୃଥିବୀ ପୃଷ୍ଠକୁ ଫେରିବା ପରେ ବୁଧବାର ତାଙ୍କର ପ୍ରତିକ୍ରିୟା ରଖିଛନ୍ତି। ଆଗକୁ ସେ ଚନ୍ଦ୍ର ଓ ମଙ୍ଗଳରେ ଚଳଚ୍ଚିତ୍ର ସୁଟିଂ ପାଇଁ ପ୍ରସ୍ତୁତ ଅଛନ୍ତି ବୋଲି ଦାମ୍ଭିକତା ଦେଖାଇଛନ୍ତି। ସୁଟିଂ ପାଇଁ ବାହାରିବାବେଳେ ପ୍ରଥମ ଦୁଇ ସେକେଣ୍ଡ ଆତଙ୍କିତ ହୋଇପଡ଼ିଥିଲେ; ପରେ ଖୁବ୍ ଖୁସି ହୋଇଯାଇଥିଲେ। ମହାକାଶରେ ପ୍ରତିଟି ମୁହୂର୍ତ୍ତ ବିସ୍ମୟକର ବୋଲି ଜୁଲିଆ କହିଛନ୍ତି। ତାଙ୍କ ସହିତ ସ୍ବର ମିଳାଇ ‘ଚଳଚ୍ଚିତ୍ର କାହିଁକି ଷ୍ଟୁଡିଓରେ ସୁଟିଂ ହେବ ? ମହାକାଶ ସୁଟିଂକୁ କାହିଁକି ଦର୍ଶକ ଉପଭୋଗ କରିବେ ନାହିଁ’ ବୋଲି ସିପେଙ୍କୋ ପ୍ରଶ୍ନ କରିଛନ୍ତି।
ସହ-ଅଭିନେତା କ୍ଲିମ୍ ସିପେଙ୍କୋ ଓ ଅନ୍ୟମାନଙ୍କ ସହ ସେ ପ୍ରାୟ ୩୦ ଘଣ୍ଟା ମହାକାଶରେ ସୁଟଂି କରିଥିଲେ। ଏହି ସମୟରେ ସେ ଆନ୍ତର୍ଜାତିକ ମହାକାଶ କେନ୍ଦ୍ରରେ ଅବସ୍ଥାନ କରିବା ସହ ‘ଦି ଚାଲେଞ୍ଜ’ ଚଳଚ୍ଚିତ୍ରର ସୁଟିଂ କରିଥିଲେ। ସେମାନେ ମୋଟ୍ ଉପରେ ୧୨ ଦିନ ମହାକାଶରେ ବିତାଇଥିଲେ।
Comments are closed.