‘ରୋବଟ୍ ପଶୁ’ -ବୟସ୍କଙ୍କ ସାଥି

ଅବସର ପରେ ବୟସ୍କ ପିଢ଼ି ମାନସିକଚାପରେ ଆକ୍ରାନ୍ତ ହେଉଥିବାର ସର୍ବେକ୍ଷଣରୁ ଜଣାପଡ଼ିଛି। ଇଉରୋପ, ଆମେରିକା, ଅଷ୍ଟ୍ରେଲିଆରେ ବୟସ୍କ ଲୋକ ‘ଓଲ୍ଡ ଏଜ୍ ହୋମ୍’ରେ ରହିବାକୁ ଆଉ ପସନ୍ଦ କରୁନାହାନ୍ତି। ବରଂ ସଞ୍ଚିତ ଅର୍ଥରେ ଫ୍ଲାଟ୍ କିଣି ସାଙ୍ଗସାଥିଙ୍କ ପାଖାପାଖି ରହିବାରେ ସେମାନଙ୍କ ରୁଚି। ବୟସ ବଢ଼ିବା ପରେ ଜଣେ ବ୍ୟକ୍ତି ଅନ୍ୟର ଆଶ୍ରୟ ଖୋଜିଥାଏ। ପିଲାମାନେ ସେମାନଙ୍କ ଚାକିରି ଜୀବନ ପାଇଁ ଦୂରଦୂରାନ୍ତରେ ରହୁଥିବାବେଳେ ଅବସର ପରେ ଲୋକେ ‘ରୋବଟ୍ ପଶୁ’ଙ୍କ ସହ ସମୟ ଅତିବାହିତ କରୁଥିବାର ଦେଖାଯାଉଛି। ଆମେରିକା, ଇଉରୋପୀୟ ରାଷ୍ଟ୍ରଗୁଡ଼ିକରେ ଏଇ ପରମ୍ପରା ଏବେ ଆଗେଇ ଚାଲିଛି। ବିଦେଶୀ କମ୍ପାନୀ ‘ଏଜଲେସ୍ ଇନୋଭେସନ୍’ ବିଲେଇ, କୁକୁର ଆକୃତିର ରୋବଟ୍ ତିଆରି କରିଥିବାବେଳେ ବିଶେଷ କରି ବୟସ୍କ ପିଢ଼ିଙ୍କୁ ଦୃଷ୍ଟିରେ ରଖି ଏସବୁ ହୋଇଛି। ଏକାକୀ ଜୀବନ ଅତିବାହିତ କରୁଥିବା ବୃଦ୍ଧବୃଦ୍ଧା ଏଇ ରୋବଟ୍ ପଶୁଙ୍କ ସହାୟତା ପାଉଥିବାବେଳେ ସେମାନଙ୍କ ମନୋରଞ୍ଜନ ମଧ୍ୟ ହେଉଛି। ଅଲ୍‌ଜାଇମର୍‌ ରୋଗୀଙ୍କ ପାଖରେ ଏଇ ରୋବଟ୍‌ କୁକୁରଙ୍କୁ କିଛି ମାସ ରଖାଯାଇଥିଲା। ଦେଢ଼ ବର୍ଷ ପରେ ରୋଗୀଙ୍କ ବ୍ୟବହାରେ ପରିବର୍ତ୍ତନ ହୋଇଥିବାର ବିଶେଷଜ୍ଞଙ୍କ ମତ।

Comments
Loading...