ବିଜେବିରେ ଛାତ୍ର ଅଶାନ୍ତି; ରାସ୍ତାରୋକ ପଛରେ ଅଧ୍ୟାପକ !

ଭୁବନେଶ୍ବର: ବିଜେବି ଜୁନିୟର କଲେଜରେ ଶନିବାର ଛାତ୍ର ଅଶାନ୍ତି ଦେଖିବାକୁ ମିଳିଛି। ପରୀକ୍ଷାକୁ ବିରୋଧ କରି ବାଣିଜ୍ୟ ବିଭାଗର ଯୁକ୍ତ ଦୁଇ ପ୍ରଥମ ବର୍ଷର କିଛି ଛାତ୍ରଛାତ୍ରୀ ଟାୟାର ଜାଳି ରାସ୍ତା ଅବରୋଧ କରିଥିଲେ। ଛାତ୍ରଛାତ୍ରୀଙ୍କ ପରୀକ୍ଷା ଜନିତ ସନ୍ଦେହକୁ କଲେଜ ଅଧ୍ୟକ୍ଷ ଦୂର କରିବାର ପ୍ରତିଶ୍ରୁତି ଦେବା ପରେ ଆନ୍ଦୋଳନ ହଟିଥିଲା। ତେବେ ଛାତ୍ରଛାତ୍ରୀଙ୍କ ଆନ୍ଦୋଳନ ପଛରେ ବାଣିଜ୍ୟ ବିଭାଗର କିଛି ଅଧ୍ୟାପକଙ୍କ ହାତ ରହିଥିବା ଅଭିଯୋଗ ହୋଇଛି।

କିଛି ଅଧ୍ୟାପକ ଛାତ୍ରଛାତ୍ରୀଙ୍କୁ ମିସ୍ ଗାଇଡ କରିଥିବାରୁ ସେମାନଙ୍କ ପ୍ରରୋଚନାର ଶିକାର ହୋଇଥିବା ଆନ୍ଦୋଳନ କରିଥିବା ଅଧ୍ୟକ୍ଷ କହିଛନ୍ତି। ଏନେଇ ଏକ ଷ୍ଟାଫ୍ କାଉନସିଲ୍ ବୈଠକ ବସିବ। ଦୋଷ ପ୍ରମାଣିତ ହେଲେ ଅଧ୍ୟାପକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଲାଗି ବିଭାଗକୁ ସୁପାରିସ କରାଯିବ। ସେହିପରି ଆନ୍ଦୋଳନରେ ସମ୍ପୃକ୍ତ ଛାତ୍ରଛାତ୍ରୀଙ୍କୁ ଆବଶ୍ୟକ ସ୍ଥଳେ କାରଣ ଦର୍ଶାଅ ନୋଟିସ୍ ଜାରି କରାଯିବ ବୋଲି ଅଧ୍ୟକ୍ଷ ସୂଚନା ଦେଇଛନ୍ତି।

Comments
Loading...