MEllora 950×100

ଭୁଲ ଠିକଣାରେ ଆରଆଇ ପରୀକ୍ଷା ଦେବାକୁ ଆସି ଶତାଧିକ ପରୀକ୍ଷାର୍ଥୀ ନିରାଶ

ଟିଟିଲାଗଡ଼: ଆରଆଇ ପଦ ପାଇଁ ଆଜି ସାରା ରାଜ୍ୟରେ ପରୀକ୍ଷା ଚାଲିଛି। ବଲାଙ୍ଗୀର ଜିଲା ଟିଟିଲାଗଡ଼ ସହରରେ ୬ଟି କେନ୍ଦ୍ରରେ ପରୀକ୍ଷା ଚାଲିଛି। ତେବେ ଶତାଧିକ ପରୀକ୍ଷାର୍ଥୀ ଅଚାନକ ସ୍ଥାନୀୟ ମହିଳା ମହାବିଦ୍ୟାଳୟକୁ ପରୀକ୍ଷା ଦେବା ପାଇଁ ଆସିବା ନେଇ ପ୍ରଶାସନ ଅଡୁଆରେ ପଡିବା ଚର୍ଚ୍ଚାର ବିଷୟ ହୋଇଛି।

ସୂଚନାରୁ ପ୍ରକାଶ ଯେ, ବଲାଙ୍ଗୀର ସରକାରୀ ମହାବିଦ୍ୟାଳୟରେ ପରୀକ୍ଷା ଦେବା ପାଇଁ ଉକ୍ତ ପ୍ରାର୍ଥୀଙ୍କୁ ଆଡମିଟ କାର୍ଡ ଜାରି କରାଯାଇଥିଲା। ତେବେ ଠିକଣାରେ ସରକାରୀ ମହାବିଦ୍ୟାଳୟ, ଟିଟିଲାଗଡ଼ ଏବଂ ତାହାର ତଳେ ରୋଡ଼ ଏବଂ ବହୁ ତଳେ ବଲାଙ୍ଗୀର ଲେଖାଯାଇଥିଲା। ଫଳରେ ବଲାଙ୍ଗୀର ଜିଲା ସମେତ ରାଜ୍ୟର ବିଭିନ୍ନ ଜିଲାର ପିଲା ଟିଟିଲାଗଡ଼ ମହିଳା କଲେଜକୁ ଚାଲି ଆସିଥିଲେ। ଖବର ପାଇ ଟିଟିଲାଗଡ଼ ଉପଜିଲ୍ଲାପାଳ ସତ୍ୟବନ ମନୋଜ ମହାଜନ, ଏଡିପିଓ ପହଞ୍ଚି ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣାଙ୍କ ସହ ଆଲୋଚନା ପରେ ଏକ ବସ ଯୋଗାଡ଼ ସହ ବଲାଙ୍ଗୀର ପଠାଇବା ପାଇଁ ବ୍ୟବସ୍ଥା କଲେ। ପରେ ପୁଣି ବାଟରୁ ପିଲାଙ୍କୁ ଫେରାଇ ଆଣି ଟିଟିଲାଗଡ଼ ସହରର ପ୍ରଭାବତୀ ପବ୍ଲିକ ସ୍କୁଲରେ ପରୀକ୍ଷା ଦେବା ବ୍ୟବସ୍ଥା ହୋଇଛି। ତେବେ କିଛି ପିଲା ନିଜ ବ୍ୟବସ୍ଥାରେ ବଲାଙ୍ଗୀର ଯାଇଥିବା ଏବଂ କିଛି ନିରାଶ ହୋଇ ଫେରି ଯାଇଥିବା ଜଣାଯାଇଛି।

Comments are closed.