ରେଙ୍ଗାଲି: ବିଶ୍ୱ ପ୍ରସିଦ୍ଧ ହୀରାକୁଦ ବହୁମୁଖୀ ନଦୀ ବନ୍ଧ ଯୋଜନା ରେ ଅବିଭକ୍ତ ସମ୍ବଲପୁର ଜିଲ୍ଲା ର ୨୯୪ ଟି ସମୃଦ୍ଧ ରାଜସ୍ୱ ଗ୍ରାମ ଜଳମଗ୍ନ ହୋଇଗଲା। ସେଥିମଧ୍ୟରୁ ସମ୍ବଲପୁର ଜିଲ୍ଲା ରେଙ୍ଗଲି ବ୍ଳକ୍ ର ବାଉଁଶେନ ଗ୍ରାମ ଅନ୍ୟତମ। ଗାଁ ବୁଡିଗଲା ପରେ ଗ୍ରାମବାସୀ ଗାଁର ଅନତି ଦୂରରେ ପୁର୍ନବସତି ସ୍ଥାପନ କରି ବସବାସ କରୁଛନ୍ତି। ହୀରାକୁଦ ଜଳଭଣ୍ଡାରରେ ବାଉଁଶେନ ଗାଁ ଜଳମଗ୍ନ ହୋଇ ଯାଇଥିଲେ ମଧ୍ୟ ସେ ସମୟରେ ଗାଁର ଗୌନ୍ତିଆ ଗାଁ ପାଖରେ ଲଗାଇଥିବା ବିଶାଳ ଆମ୍ବ ତୋଟା (ବୁରେଇ) ଶତାଧିକ ବର୍ଷ ପରେ ମଧ୍ୟ ଜଳମଗ୍ନ ଗାଁର ସ୍ମୃତିର ସନ୍ତକ ସଦୃଶ ଏବେ ମଧ୍ୟ ବଞ୍ଚି ରହି ପୁରୁଣା ଗାଁ ବାଉଁଶେନର ସ୍ଥିତିକୁ ଜାହିର କରୁଛି। ପ୍ରାୟ ୧ଶହ ଏକର ଜମିରେ ପରିବ୍ୟାପ୍ତ ସାନ୍ ବୁରେଇ ଏବଂ ବଡ ବୁରେଇରେ ଏବେ ମଧ୍ୟ ପ୍ରାୟ ପାଞ୍ଚଶହ ସୁସ୍ୱାଦୁ ଆମ୍ବ ଗଛ ରହିଛି। ଅନେକ ବୁଢା ଗଛ ଭାଙ୍ଗି ମରି ଯାଇଥିବା ଦେଖିବାକୁ ମିଳୁଛି। ମରି ଯାଇଥିବା ଆମ୍ବ ଗଛ ବଦଳରେ ନୂତନ ଚାରା ରୋପଣର ଆବଶ୍ୟକତା ଥିଲେ ମଧ୍ୟ ଏଥିପ୍ରତି କାହାରି ନିଘା ନାହିଁ। ସମ୍ଭବତଃ ଅବିଭକ୍ତ ସମ୍ବଲପୁର ଜିଲାର ଏହା ଅନ୍ୟତମ ବୃହତ୍ତ୍ ଆମ୍ବ ତୋଟା ।
ଥୁଣ୍ଟିକତରବଗା, ବାଉଁଶେନ, ବାବୁଚକୁଲି ଆଦି ଗ୍ରାମର ଅନେକ ପରିବାର ପେଟପାଟଣାରେ ସହାୟକ ହୋଇ ପାରିଛି ଏବଂ ଆଖପାଖ ଗାଁର ଲୋକମାନଙ୍କର ଚାହିଦା ମେଣ୍ଟାଇ ପାରୁଛି ଏହି ଆମ୍ବତୋଟା। ସରକାର ବୃକ୍ଷରୋପଣ ପାଇଁ ପ୍ରୋତ୍ସାହନ ଦେବା ସହିତ ଉଦ୍ୟାନ କୃଷି ବିଶେଷତଃ ଫଳ ଚାଷ ପାଇଁ ସ୍ୱତନ୍ତ୍ର ଗୁରୁତ୍ୱ ଦେଉଥିବା ଦୃଷ୍ଟିରୁ ବାଉଁଶେନ ଗାଁ ପାଖରେ ଥିବା ହୀରାଜୁଦ ବୁଡି ଅଞ୍ଚଳର ସ୍ମୃତିର ସନ୍ତକ ହୋଇଥିବା ଏହି ବିଶାଳ ଆମ୍ବ ତୋଟା ର ସୁରକ୍ଷା ଏବଂ ରକ୍ଷଣା ବେକ୍ଷଣ ସକାଶେ ଉପଯୁକ୍ତ ବ୍ୟବସ୍ଥା ଗ୍ରହଣ କରି ବାକୁ ବିଭିନ୍ନ ମହଲ ରେ ଦାବୀ ହେଉଛି।
Comments are closed.