ରେଙ୍ଗାଲିକେମ୍ପ : ଅତାବିରା ବ୍ଲକ ଅମଲିପାଲି ପଞ୍ଚାୟତ ଗୁତିପାଳି ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ପୂର୍ଣାନନ୍ଦ ନାଥ ଆଜି ଅବସର ଗ୍ରହଣ କରିଛନ୍ତି। ଏହି ଅବସରରେ ତାଙ୍କୁ ବିଦ୍ୟାଳୟ ତରଫରୁ ବିପୁଳ ସମ୍ବର୍ଦ୍ଧନା ଦିଆଯାଇଛି । ଏହି ସମ୍ବର୍ଦ୍ଧନା ସଭାଟି ବିଦ୍ୟାଳୟ ପରିଚାଳନା କମିଟି ବିଶ୍ବରଂଜନ ପ୍ରଧାନଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିବା ବେଳେ ବ୍ଲକ ଶିକ୍ଷା ଅଧିକାରୀ ଶ୍ରୀ ମଛିନ୍ଦ୍ର ମଲ୍ଲିକ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ । ଅତିରିକ୍ତ ଶିକ୍ଷା ଅଧିକାରୀ କାର୍ତ୍ତିକ ବାଗ, ଶିକ୍ଷାବିତ୍ ରବିଦ୍ର ନାଏକ,ପୂର୍ବତନ ଅଧ୍ୟକ୍ଷ ସଦାଶିବ ବୁଢ଼ା,ଆଡ଼ିକାନ୍ତ ନାଏକ,ଦୁର୍ଗାଚରଣ ପ୍ରଧାନ ଓ ଭିକାରୀ ପ୍ରଧାନ ସମ୍ମାନିତ ଅତିଥି ରୂପେ ମାଞ୍ଚାଷିନ ଥିଲେ। ସି ଆର୍ ସି ସି ମନୋରଞ୍ଜନ ମିଶ୍ର ପରିଚାଳନା କରିଥିଲେ। ଅବସର ନେଉଥିବା ଶ୍ରୀ ନାଥ ଙ୍କୁ ଉପଢୌକନ ତଥା ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିବା ସହ ତାଙ୍କର ଅବସର ପରବର୍ତ୍ତୀ ଜୀବନ ସୁଖମୟ ଓ ନିରାମୟ ହେଉ ବୋଲି ସମସ୍ତେ ପ୍ରାର୍ଥନା କରିଥିଲେ। ଅବସରର ଶୁଭେଚ୍ଛା ଜଣାଇ ତାଙ୍କର ଶିକ୍ଷକତା କାଳର ଅନୁଭୂତି ତଥା ହସଖୁସିର ମୁହୂର୍ତ୍ତକୁ ପୁଣି ଥରେ ମନେପକାଇ ଏକ ଅଭୁଲା ପରିବେଶ ସୃଷ୍ଟି କରିଥିଲେ। ପରେ ବିଦ୍ୟାଳୟରୁ ଏକ ଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରିଥିଲେ । ଏହି ଶୋଭାଯାତ୍ରାରେ ସିଂହପାଲି କ୍ଲଷ୍ଟରର ସମସ୍ତ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ। ଶେଷରେ ରବି ବଞ୍ଛୋର ଧନ୍ୟବାଦ୍ ଅର୍ପଣ କରିଥିଲେ।
Comments are closed.