୧୫ହଜାରରୁ କମ ମୂଲ୍ୟରେ ଭାରତୀୟ ବଜାରକୁ ଆସିବ ରିଅଲମି ୬ଆଇ

ନୂଆଦିଲ୍ଲୀ : ରିଅଲମିର ବଜେଟ୍ ଫୋନ୍ ରିଅଲମି ୫ଆଇ(i )ର ଏକ ଅପଗ୍ରେଡ୍ ସଂସ୍କରଣ ଭାରତରେ ଲଞ୍ଚ କରିବାକୁ ଯାଉଛି। ୧୪ ଜୁଲାଇରେ ଭାରତରେ ରିଅଲମି ୬ଆଇ (i) ଲଞ୍ଚ ହେବ ବୋଲି ଆଶା କରାଯାଉଛି। ଏହି ଫୋନ୍ ଫ୍ଲିପକାର୍ଟରେ ମଧ୍ୟ ତାଲିକାଭୁକ୍ତ ହୋଇଛି। କୁହାଯାଉଛି ଯେ, ରିଅଲମି ସି୧୧ ସହିତ ରିଅଲମି ୬ଆଇ (i) ମଧ୍ୟ ଭାରତରେ ଲଞ୍ଚ ହେବ।

ଅନେକ ରିପୋର୍ଟରେ କୁହାଯାଇଛି ଯେ, ରିଅଲମି ୬ଆଇ (i) କିଛି ଦିନ ପୂର୍ବରୁ ୟୁରୋପରେ ଲଞ୍ଚ ହୋଇଥିବା ରିଅଲମି ୬ଏସର ପୁନଃ ବ୍ରାଣ୍ଡେଡ୍ ସଂସ୍କରଣ ହେବ। ଏହାପୂର୍ବରୁ ମାର୍ଚ୍ଚରେ ମିଆଁମାରରେ ରିଅଲମି ୬ଆଇ (i) ମଧ୍ୟ ଲଞ୍ଚ କରାଯାଇଛି। ଫ୍ଲିପକାର୍ଟର ଟିଜରରେ ଏହା ଲେଖାଯାଇଛି ଯେ ୧୫ ହଜାର ରେଞ୍ଜରେ ରିଅଲମି ୬ଆଇ (i) ସବୁଠାରୁ ଶକ୍ତିଶାଳୀ ଫୋନ୍ ହେବ।

ମିଆଁମାରରେ ଲଞ୍ଚ ଅନୁଯାୟୀ, ଫୋନକୁ ଡୁଆଲ୍ ସିମ୍ ସମର୍ଥନ ସହିତ ଆଣ୍ଡ୍ରଏଡ୍ ୧୦ ଆଧାରିତ ରିଅଲିଟି ୟୁଆଇ ମିଳିବ। ଏହି ଫୋନରେ ୭୨୦x୧୬୦୦ ପିକ୍ସେଲର ରିଜୋଲ୍ୟୁସନ ସହିତ ୬.୫-ଇଞ୍ଚ ଫୁଲ୍ ଏଚଡି ଡିସପ୍ଲେ ରହିଛି।

ଏଥିରେ ଚାରୋଟି ପଛ କ୍ୟାମେରା ଅଛି। ଯେଉଁଥିରେ ପ୍ରଥମ ଲେନ୍ସ ୪୮ ମେଗାପିକ୍ସେଲ, ଦ୍ୱିତୀୟ ୮ ମେଗାପିକ୍ସେଲ ଅଲଟ୍ରା ଚଉଡା, ତୃତୀୟଟି ମଧ୍ୟ ୮ ମେଗାପିକ୍ସେଲ ଏବଂ ଚତୁର୍ଥ ଲେନ୍ସ ହେଉଛି ୨ ମେଗାପିକ୍ସେଲ ମାକ୍ରୋ। ୟୁଏସବି ଟାଇପ୍-ସି ଚାର୍ଜିଂ ପୋର୍ଟ ଫୋନରେ ଉପଲବ୍ଧ ହେବ। ଏଥିରେ ୫ହଜାର ଏମ୍‌ଏଚ୍ ବ୍ୟାଟେରୀ ଅଛି। ଯାହାକି ୧୮ ୱାଟ ଫାଷ୍ଟ ଚାର୍ଜିଂକୁ ସମର୍ଥନ କରେ।