ନବୀନଙ୍କୁ ଭେଟିଲେ ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ

ଭୁବନେଶ୍ବର: ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ ଗୁରୁବାର ଲୋକସେବା ଭବନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି। ମୁଖ୍ୟମନ୍ତ୍ରୀଙ୍କ ସହ ସାକ୍ଷାତପରେ ଏହା ଏକ ସୌଜନ୍ୟମୂଳକ ସାକ୍ଷାତକାର ଥିଲା ବୋଲି ଶକ୍ତିକାନ୍ତ ଦାସ କହିଥିଲେ। ମୁଖ୍ୟମନ୍ତ୍ରୀ ଆଲୋଚନା ସମୟରେ ରାଜ୍ୟରେ ବ୍ୟାଙ୍କିଙ୍ଗ ସେବାରେ ଉନ୍ନତି ସହ ବ୍ୟାଙ୍କଗୁଡ଼ିକର ଅଧିକ ଶାଖା ବୃଦ୍ଧି କରିବା, କୃଷକଙ୍କୁ ବ୍ୟାଙ୍କ ମାଧ୍ୟମରେ କିପରି ଅଧିକ ପରିମାଣର ଋଣ ଦିଆଯାଇପାରିବ ସେ ସମ୍ପର୍କରେ ଆଲୋଚନା କରିଥିଲେ।

ରିଜର୍ଭବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ ଓଡିଶାରେ ଆୟୋଜିତ ହେଉଥିବା ରିଜର୍ଭବ୍ୟାଙ୍କର ସେଣ୍ଟ୍ରାଲ ବୋର୍ଡ ବୈଠକରେ ଯୋଗଦେବା ପାଇଁ ଓଡିଶା ଗସ୍ତରେ ଅଛନ୍ତି। ଓଡିଶାରେ ୨୦୧୨ ମସିହାରେ ରିଜର୍ଭବ୍ୟାଙ୍କର ସେଣ୍ଟ୍ରାଲ ବୋର୍ଡ ବୈଠକ ହୋଇଥିଲା। ଏହାର ୭ ବର୍ଷ ପରେ ଓଡିଶାରେ ପୁଣିଥରେ ଏହି ବୈଠକ ଅନୁଷ୍ଠିତ ହେଉଛି।

Comments
Loading...