ବଲାଣି: ଦୁଷ୍କର୍ମ ଅଭିଯୋଗରେ ଛେଚା ଖାଇ ଜଣେ ଯୁବକ ଥାନାରେ ଅଟକ ରହିଛି। ଏପରି ଘଟଣା ଘଟିଛି କେନ୍ଦୁଝର ଜିଲା ବଲାଣି ଥାନା ଅନ୍ତର୍ଗତ ବଲାଣି ବସ ଷ୍ଟାଣ୍ଡ ଠାରେ।
ସୂଚନାନୁସାରେ, ବସଷ୍ଟାଣ୍ଡ ନିକଟ ପାଉଁରୁଟି ଫ୍ୟାକ୍ଟ୍ରି ପଛ ହଟିଂରେ ରହୁଥିବା ଏକ ୧୦ ବର୍ଷୀୟା ନାବାଳିକା ଆଜି ସନ୍ଧ୍ୟା ପ୍ରାୟ ୬.୩୦ ମିନିଟ ସମୟରେ ବଲାଣି ବସଷ୍ଟାଣ୍ଡ ନିକଟରେ ଥିବା ଏକ ହୋଟେଲରୁ ଜଳଖିଆ କିଣି ଫେରୁଥିବା ସମୟରେ ପ୍ରତାପ ପୃଷ୍ଟି ଓରଫ ଧଳିଆ ତାକୁ ୨୦ ଟଙ୍କା ଜାଚିଥିଲା। ତେବେ ନାବାଳିକାଟି ଉକ୍ତ ଟଙ୍କା ନେବାକୁ ବାରଣ କରିବାରୁ ତାପଛରେ ଯାଇ ବସଷ୍ଟାଣ୍ଡ ନିକଟରେ ଥିବା ମହେନ୍ଦ୍ର ସ୍ୱାଇଁ କ୍ୟାମ୍ପକୁ ଘୋଷାଡି ନେଇଥିଲା। ନାବାଳିକାକୁ ନିସ୍ତୁକ ମାଡ଼ ମାରିବା ସହିତ ପାଟି କଲେ ଜୀବନରୁ ମାରିଦେବାକୁ ଧମକ ଦେଇଥିଲା। ପରେ ନାବାଳିକା ତା କବଳରୁ ମୁକୁଳିବାକୁ ଚେଷ୍ଟା କରୁଥିବା ବେଳେ ବେକ ଚିପି ମାରିଦେବାକୁ ଚେଷ୍ଟା କରିବା ସହିତ ଦୁଷ୍କର୍ମ କରିବାକୁ ଚେଷ୍ଟା କରିଥିଲା। ତେବେ ନାବାଳିକା ପାଟି କରିବାରୁ ସେ ସେଠାରୁ ଦୌଡ଼ି ପଳାଇଥିଲା। ପରେ ଝିଅଟି ସେଠାରୁ ଆସି ଘରେ କହିବା ପରେ ଉକ୍ତ ଯୁବକକୁ ଘର ଲୋକ ଓ ହଟିଙ୍ଗ ଲୋକ ମିଶି ଖୋଜାଖୋଜି କରି ପାଇବା ପରେ ନିସ୍ତୁକ ମାଡ଼ ମାରିବା ସହିତ ବଲାଣି ପୁଲିସ ଜିମା ଦେଇଥିଲେ। ଏନେଇ ବଲାଣି ଥାନାରେ ଏକ ଲିଖିତ ଅଭିଯୋଗ ହେବା ସହିତ ପୁଲିସ ଅଭିଯୁକ୍ତକୁ ଅଟକ ରଖି ତଦନ୍ତ ଚଳାଇଛି।
Comments are closed.