MEllora 950×100

ବିଜେପିକୁ ଶିବସେନାର ନିଶାଣ: ରାମମନ୍ଦିର ନିର୍ମାଣକୁ ନେଇ ଚାଲିଛି ରାଜନୀତି

ଚଳିତ ବର୍ଷ ଅଗଷ୍ଟ ୫ ତାରିଖରେ ହେବାକୁ ଯାଉଛି ଅଯୋଧ୍ୟାରେ ନିର୍ମିତ ହେବାକୁ ଥିବା ରାମ ମନ୍ଦିର ଭୂମି ପୂଜା।  ହେଲେ ଏହାର ସମୟକୁ ନେଇ ବିଜେପିକୁ ତେରଛା ବାଣ ମାରିଛି ତାର ପୁରୁଣା ସହଯୋଗୀ ଶିବସେନା । ରାମ ମନ୍ଦିର ମାମଲାରେ ଦଳୀୟ ମୁଖପତ୍ରରେ ଶିବସେନା  ଭୂମି ପୂଜନ ପ୍ରସଙ୍ଗକୁ ବିଜେପି ରାଜନୀତି ଲାଗି ବ୍ୟବହାର କରିବ । ଆଗାମୀ ଦିନରେ ହେବାକୁ ଥିବା ବିହାର, ପଶ୍ଚିମବଙ୍ଗ ଏବଂ ଉତ୍ତର ପ୍ରଦେଶ ବିଧାନସଭା ନିର୍ବାଚନରେ ଛାଇଯିବ।

ଏହା ସହିତ ଶିବସେନା ପକ୍ଷରୁ ଆହୁରି କୁହାଯାଇଛି, “ବିଜେପି ମହାମାରୀ ସମୟରେ ନିର୍ମାଣ କାର୍ଯ୍ୟ ଆରମ୍ଭ କରି ଅଯୋଧ୍ୟାରେ ଥିବା ମହାନ ଶ୍ରୀରାମ ମନ୍ଦିରକୁ ଆଗାମୀ ନିର୍ବାଚନ ଲାଗି ଏକ ନିଶ୍ଚିତ ରାଜନୈତିକ ଅସ୍ତ୍ର ଭାବେ ବ୍ୟବହାର କରିବାକୁ ଚାହୁଁଛି । କେନ୍ଦ୍ର ଓ ଏବଂ ବିଭିନ୍ନ ରାଜ୍ୟରେ କ୍ଷମତାସୀନ ଥିବା ବିଜେପି ସରକାର ଏହାକୁ ବିକାଶ ଏଜେଣ୍ଡା ଭାବେ ପ୍ରଦର୍ଶିତ କରିବାକୁ ଚାହୁଁଛି। ମନ୍ଦିର ନିର୍ମାଣ ପ୍ରସଙ୍ଗକୁ ବିକାଶ ସହ ଯୋଡି ଜନସମର୍ଥନ ହାତେଇବା ଲକ୍ଷ୍ୟରେ ରହିଛି ଦଳ। ସେଥିଲାଗି ମନ୍ଦିର ନିର୍ମାଣ ସହିତ ଅନେକ ବିକାଶମୂଳକ ପ୍ରକଳ୍ପର କାର୍ଯ୍ୟ ଆରମ୍ଭ କରିବାକୁ ମଧ୍ୟ ପ୍ରସ୍ତୁତି ଚାଲିଛି। ”

ସୂଚନା ଅନୁସାରେ ଉତ୍ତରପ୍ରଦେଶ ସରକାରଙ୍କ ପୂରା କ୍ୟାବିନେଟ ମନ୍ଦିରର ଭୂମି ପୂଜନ କାର୍ଯ୍ୟକ୍ରମରେ ଅନ୍ତର୍ଭୂକ୍ତ ହେବ ନାହିଁ, କେବଳ କେତେକ ମନ୍ତ୍ରୀ ଏଥିରେ ସାମିଲ ହେବେ। କୋରୋନା ମହାମାରୀ କାରଣରୁ ଏହି ସମାରୋହରେ କମ ଜନଗହଳି କରିବା ଉପରେ ଗୁରୁତ୍ୱ ଦିଆଯାଉଛି।

Comments are closed.