ଦେଶ ବିଦେଶରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ବିଶ୍ୱସନୀୟତା ବହୁ ଅଧିକ ବୃଦ୍ଧି ପାଇଛି : ଧର୍ମେନ୍ଦ୍ର ପ୍ରଧାନ

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ଯେତିକି ବିଶ୍ୱସନୀୟତା ଆଜି ଦେଶ ବିଦେଶରେ ଅଛି, ସେତିକି ସୌଭାଗ୍ୟ ଭାରତର ଅନ୍ୟ କୌଣସି ପ୍ରଧାନମନ୍ତ୍ରୀଙ୍କୁ ମିଳି ନାହିଁ ବୋଲି କେନ୍ଦ୍ର ପେଟ୍ରେଲିୟମ ଓ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି । ନିର୍ଣ୍ଣାୟକ ଏବଂ ପାରଦର୍ଶୀ ନେତୃତ୍ୱ, ଜନ ସହଭାଗୀତା ଓ ଗରିବ କଲ୍ୟାଣ ହିଁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଆମ ସରକାରଙ୍କ ନୀତି ରହିଆସିଛି ବୋଲି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି । ସଂସଦର ମିଳିତ ଅଧିବେଶନରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଆଗତ ଧନ୍ୟବାଦ ପ୍ରସ୍ତାବ ଆଲୋଚନାରେ ଅଂଶ ଗ୍ରହଣ କରି ଶ୍ରୀ ପ୍ରଧାନ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହେଉଛନ୍ତି ଦେଶର ପ୍ରଥମ ପ୍ରଧାନମନ୍ତ୍ରୀ ଯିଏକି ପୂର୍ବୋଦୟର କଳ୍ପନା କଲେ । ପୂର୍ବ ଭାରତର ଲୋକଙ୍କ ବିଷୟରେ ଚିନ୍ତା କଲେ ଏବଂ ସେମାନଙ୍କୁ ଆଗକୁ ନେବା ପାଇଁ ସହାୟତାର ହାତ ବଢାଇଲେ ବୋଲି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି।

ଦେଶର ସମ୍ବଳ ଉପରେ ପ୍ରଥମ ଅଧିକାର ହେଉଛି ଦେଶର ନାଗରିକଙ୍କର । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏକ ସ୍ୱଚ୍ଛ ନୀତି ଆଣି ରାଜ୍ୟ ଗୁଡିକର ଅଧିକାର ସୁନିଶ୍ଚିତ କରିଛନ୍ତି । କୋଇଲା, ଲୁହାପଥର ହେଉଛି ପୂର୍ବ ଭାରତର ପୁଞ୍ଜି। ପ୍ରଧାନମନ୍ତ୍ରୀ ନିଶ୍ଚିତ କରିଛନ୍ତି ଯେ ସାଧାରଣ ନାଗରିକମାନେ ଏହି ପୁଞ୍ଜିର ଲାଭ ପାଇବେ।

ବିରୋଧୀଦଳଙ୍କୁ କଟାକ୍ଷ କରି, କିଛି ରାଜନୈତିକ ଦଳ ପିଢୀ ପରେ ପିଢୀ କ୍ଷମତାରେ ରହି ମଧ୍ୟ ଏମଏସପିକୁ ଆଇନ ଅଧୀନରେ ଆଣିବାରେ କାହିଁକି ସକ୍ଷମ ହୋଇନାହାଁନ୍ତି ବୋଲି ସେ ପ୍ରଶ୍ନ କରିଛନ୍ତି ? ମୋଦୀ ସରକାରଙ୍କ କାଳରେ ଗତ ୬ ବର୍ଷ ମଧ୍ୟରେ ଏମଏସପିରେ ରେକର୍ଡ ବୃଦ୍ଧି ଘଟିଛି । ବିରୋଧୀ ଦଳ ଭ୍ରମ ସୃଷ୍ଟି କରି ଏମଏସପି ଉପରେ ଆମକୁ ପ୍ରଶ୍ନ ପଚାରୁଛନ୍ତି ବୋଲି ସେ କହିଛନ୍ତି ।

Comments
Loading...