ଡାକ୍ତରଖାନାରୁ ଫେରିଲେ ରଜନୀକାନ୍ତ

ହାଇଦ୍ରାବାଦ : ସୁପରଷ୍ଟାର ରଜନୀକାନ୍ତଙ୍କୁ ହାଇଦ୍ରାବାଦର ଆପୋଲୋ ହସ୍ପିଟାଲରୁ ଡିସଚାର୍ଜ କରାଯାଇଛି। ରକ୍ତଚାପ ଜନିତ ସମସ୍ୟା ହେତୁ ତାଙ୍କୁ ଶୁକ୍ରବାର ଦିନ ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଥିଲା।

ହାଇଦ୍ରାବାଦର ଆପୋଲୋ ହସ୍ପିଟାଲ ପକ୍ଷରୁ ରବିବାର ଦିନ କୁହାଯାଇଛି, ଯେ ଅଭିନେତା ରଜନୀକାନ୍ତଙ୍କ ଡାକ୍ତରୀ ପରୀକ୍ଷା ରିପୋର୍ଟରେ କୌଣସି ଚିନ୍ତାଜନକ ବିଷୟ ନାହିଁ ଏବଂ ରକ୍ତଚାପରେ ପରିବର୍ତ୍ତନ ହେତୁ ତାଙ୍କୁ ଚିକିତ୍ସା କରାଯାଉଛି । ଡାକ୍ତରଙ୍କ ଏକ ଟିମ୍ ରବିବାର ତାଙ୍କ ଅବସ୍ଥା ସଂପର୍କରେ ଅନୁଧ୍ୟାନ କରିବା ପରେ ଡାକ୍ତରଖାନାରୁ ଡିସଚାର୍ଜ କରାଯାଇଛି । ଡାକ୍ତରମାନେ ପରାମର୍ଶ ଦେଇଛନ୍ତି ଯେ ସେ କୌଣସି ପ୍ରକାର ଚାପରୁ ଦୂରେଇ ରୁହନ୍ତୁ।

In view of his improved medical condition, Rajinikanth is being discharged from the hospital today. His blood pressure has been stabilized and he is feeling much better: Apollo Hospital, Hyderabad pic.twitter.com/kbN5vg7g1r

— ANI (@ANI) December 27, 2020

ରଜନୀକାନ୍ତଙ୍କ ରକ୍ତଚାପ ଅତ୍ୟନ୍ତ ଉଚ୍ଚ ସ୍ତରକୁ ଯିବା ପରେ ତାଙ୍କୁ ଶୁକ୍ରବାର ଦିନ ହାଇଦ୍ରାବାଦର ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେ ସୂର୍ଯ୍ୟ ପିକ୍ଚର୍ସର ତାମିଲ ଚଳଚ୍ଚିତ୍ର ଆନ୍ନାଥ ପାଇଁ ସୁଟିଂ ପାଇଁ ଡିସେମ୍ବର ୧୩ରୁ ହାଇଦ୍ରାବାଦରେ ଥିଲେ। କିଛି ଦିନ ପୂର୍ବରୁ ଫିଲ୍ମର ଚାରିଜଣ ସଦସ୍ୟ କରୋନା ଜୀବାଣୁ ସଂକ୍ରମିତ ହେବା ପରେ ସେ ନିଜକୁ ଅଲଗା କରି ରଖିଥିଲେ। ତେବେ ପରେ ତାଙ୍କ କରୋନା ରିପୋର୍ଟରେ ଏହି ସଂକ୍ରମଣ ମିଳି ନଥିଲା। ସୂଚନାଯୋଗ୍ୟ, ୨୦୨୧ ତାମିଲନାଡୁ ବିଧାନସଭା ନିର୍ବାଚନ ପୂର୍ବରୁ ରଜନୀକାନ୍ତ ତାଙ୍କ ରାଜନୈତିକ ଦଳ ବିଷୟରେ ସୁଚନା ଦେଇଛନ୍ତି।