ଭିରୁଡାରେ ଅବକାରୀ ଚଢଉ, ୧୮୦୦ଲିଟର ପୋଚ ଜବତ

ଆଠଗଡ/ତିଗିରିଆ : କଟକ ଜିଲ୍ଲାପାଳ ଭବାନୀ ଶଙ୍କର ଚୟନୀ ଓ ଜିଲ୍ଲା ଅବକାରୀ ଅଧିକ୍ଷକ ଡାକ୍ତର ଶାନ୍ତନୁ କୁମାର ଦାସଙ୍କ ନିର୍ଦ୍ଦେଶକ୍ରମେ ଶୁକ୍ରବାର ଭୋର ସମୟରେ ତିଗିରିଆ ଥାନା ଅନ୍ତର୍ଗତ ଭିରୁଡା ଅଞ୍ଚଳରେ ଜୋରଦାର ଅବକାରୀ ଚଢଉ କରାଯାଇଛି। ଆଠଗଡ ଅତିରିକ୍ତ ତହସିଲଦାର ସୁଧାଂଶୁ ଶେଖର ସାଓଙ୍କ ଉପସ୍ଥିତିରେ ଏବଂ ଆଠଗଡ ଅବକାରୀ ନିରୀକ୍ଷକ ସଞ୍ଜିତ୍ ବାର୍ଲାଙ୍କ ନେତୃତ୍ୱରେ ଭିରୁଡା ଗ୍ରାମ ନିକଟବର୍ତ୍ତୀ ପାହାଡତଳି ଅଞ୍ଚଳରେ ବ୍ୟାପକ ଚଢଉ କରାଯାଇଥିଲା। ଚଢଉ ସମୟରେ ବିଭିନ୍ନ ସ୍ଥାନରେ ଶତାଧିକ ପ୍ଲାଷ୍ଟିକ ଜାରକିନରେ ମଦପ୍ରସ୍ତୁତି ପାଇଁ ଲୁଚାଇ ରଖାଯାଇଥିବା ପ୍ରାୟ ୧୮୦୦ଲିଟର ଗୁଡପୋଚ ଜବତ କରାଯାଇ ଘଟଣାସ୍ଥଳରେ ଜାରକିନ ଓ ଗୁଡପୋଚକୁ ନଷ୍ଟ କରାଯାଇଥିଲା। ଆଠଗଡ ଅବକାରୀ ଉପନିରୀକ୍ଷକ ବିଜୟ କୁମାର ଭଞ୍ଜ, ଜିଲ୍ଲା ଅବକାରୀ ଉପନିରୀକ୍ଷକ ବେଣୁଧର ସାମଲ, ଉପନିରୀକ୍ଷକ ଟେଲିସ୍ଫୋର ଲାକ୍ରା, ନିରାକାର ଦେହୁରୀ, ମାଗୁଣି ଚରଣ ମାଝି, ଶୁଭେନ୍ଦୁ କୁମାର ପୁହାଣଙ୍କ ସମେତ ବହୁ ଅବକାରୀ କର୍ମଚାରୀ ଓ ପୁଲିସ ପୋର୍ସ ଏହି ଚଢାଉରେ ଅଂଶଗ୍ରହଣ କରିଥିଲେ।

Comments
Loading...