ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କୁ ନୂଆବର୍ଷ ଅଭିବାଦନ ଜଣାଇଲେ ପୁତିନ, ବିଶ୍ୱ ଶାନ୍ତି ପାଇଁ ସହଯୋଗ ଜାରି ରଖିବାକୁ ଆହ୍ୱାନ

ରୁଷ ରାଷ୍ଟ୍ରପତି ଭ୍ଲାଦିମିର ପୁତିନ ଆଜି ତାଙ୍କ ଭାରତୀୟ ପ୍ରତିପକ୍ଷ ରାମ ନାଥ କୋବିନ୍ଦ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନୁଆବର୍ଷର ଶୁଭେଚ୍ଛା ଜଣାଇଛନ୍ତି ଏବଂ ଆସନ୍ତା ବର୍ଷରେ ଉଭୟ ଦେଶ ଗଠନମୂଳକ ଦ୍ୱିପାକ୍ଷିକ ସହଯୋଗ ବୃଦ୍ଧି କରିବା ସହ ଆଞ୍ଚଳିକ ତଥା ବିଶ୍ୱସ୍ତରୀୟ ସମସ୍ୟାର ସମାଧାନ ପାଇଁ ଉଭୟ ଉଦ୍ୟମ କରିବା ନେଇ ସେ ଆଶା ବ୍ୟକ୍ତ କରିଛନ୍ତି । ରାଷ୍ଟ୍ରପତି କୋବିନ୍ଦ ଏବଂ ପ୍ରଧାନମନ୍ତ୍ରୀ ମୋଦୀଙ୍କୁ ପୃଥକ ବାର୍ତ୍ତା ଦେଇ ରୁଷ ନେତା ପୁତିନ କହିଛନ୍ତି ଯେ ୨୦୨୦ର ଅସୁବିଧା ସତ୍ୱେ ଦୁଇ ଦେଶ ମଧ୍ୟରେ ରଣନୀତିକ ଭାଗିଦାରୀ ଆତ୍ମବିଶ୍ୱାସର ସହ ଅଗ୍ରଗତି କରୁଛି।

ରାଷ୍ଟ୍ରପତି ପୁଟିନ ଜୋର ଦେଇଛନ୍ତି ଯେ ଦୁଇ ଦେଶ ଏକ ଗୁରୁତ୍ୱପୂର୍ଣ୍ଣ ରାଜନୈତିକ କଥାବାର୍ତ୍ତା ବଜାୟ ରଖିଛନ୍ତି ଏବଂ ବିଭିନ୍ନ କ୍ଷେତ୍ରରେ ମିଳିତ ପ୍ରକଳ୍ପ କାର୍ଯ୍ୟକାରୀ କରୁଥିବା ବେଳେ ଏସସିଓ ଏବଂ ବ୍ରିକ୍ସରେ ମଧ୍ୟ ସହଯୋଗ ଭଲ ରହିଛି। ଆସନ୍ତା ବର୍ଷ ରୁଷ ଏବଂ ଭାରତ ଗଠନମୂଳକ ଦ୍ୱିପାକ୍ଷିକ ସହଯୋଗକୁ ଆହୁରି ତ୍ୱରାନ୍ୱିତ କରିବା ସହ ଆଞ୍ଚଳିକ ତଥା ବିଶ୍ୱସ୍ତରୀୟ ସମସ୍ୟାର ସମାଧାନ ପାଇଁ ଉଦ୍ୟମ ଜାରି ରଖିବେ ବୋଲି ସେ ଆଶା ପ୍ରକଟ କରିଛନ୍ତି।

Comments
Loading...