ପୁରୀ ଏସପିଙ୍କ ଡେଲାଙ୍ଗ ଥାନାରେ ନିର୍ବାଚନ ସମୀକ୍ଷା

ଡେଲାଙ୍ଗ : ପୁରୀ ଜିଲ୍ଲା ଏସପି ଡକ୍ଟର କେ. ବିଶାଲ ସିଂହ,ଡେଲାଙ୍ଗ ଥାନା ପରିଦର୍ଶନ କରି ନିର୍ବାଚନ ସମୀକ୍ଷା କରିଛନ୍ତି । ଏହି ସମୀକ୍ଷା ବୈଠକରେ ପିପିଲି ଏସଡିପିଓ, ଡେଲାଙ୍ଗ ତହସିଲଦାର, ବି.ଡି.ଓ, ଡେଲାଙ୍ଗ ଥାନା ଅଧିକାରୀ ଓ ସମସ୍ତ ପୁଲିସ କର୍ମଚାରୀ ଉପସ୍ଥିତ ଥିଲେ। ଏସପି ଶ୍ରୀ ସିଂହ ଡେଲାଙ୍ଗ ଥାନ ଅଂଚଳରେ ଥିବା ୧୨୯ ଟି ବୁଥରୁ ୪୫ ଟି ସମ୍ବେଦନଶୀଳ ବୁଥକୁ କଡା ନଜର ରଖିବାକୁ ନିର୍ଦେଶ ଦେଇଥିଲେ। ତତସହିତ ଡେଲାଙ୍ଗ ଥାନା ଅଂଚଳକୁ ଜଣେ ଅତିରିକ୍ତ ଏସପି ତତ୍ତ୍ଵାବଧାନରେ ୧୨ଟି ପେଟ୍ରୋଲିଙ୍ଗ ପାର୍ଟି,୨ ଜଣ ଡିଏସ୍ ପି, ୫ ଜଣ ଇନ୍ସପେକ୍ଟର, ୪ପ୍ଲାଟୁନ୍ ପୋଲିସ ଫୋର୍ସଙ୍କୁ ନିର୍ବାଚନ ଶାନ୍ତି ଶୃଙ୍ଖଳା ରକ୍ଷା ପାଇଁ ନିୟୋଜିତ କରାଯାଇଛି । ଡ଼େଲାଙ୍ଗ ଅଞ୍ଚଳରେ ବିଭିନ୍ନ ସ୍ଥାନରେ ପୋଲିସ୍ ପକ୍ଷରୁ ନାକା ପଏଣ୍ଟରେ ଗାଡିଗୁଡିକ ଯାଞ୍ଚ କରାଯାଉଛି। ଶେଷରେ ନିରପେକ୍ଷ ଓ ଶାନ୍ତି ଶୃଙ୍ଖଳାର ସହିତ ନିର୍ବାଚନ କରିବା ନିମନ୍ତେ ସଜାଗ ରହିବାକୁ ସମସ୍ତଙ୍କୁ ପରାମର୍ଶ ଦେଇଥିଲେ।

Comments
Loading...