ପୁଞ୍ଜିଲାଲ୍‌ଙ୍କୁ ଜେଲ୍‌ରେ ମାଡ଼ ଅଭିଯୋଗ

ପାଟଣାଗଡ଼: ବହୁ ଚର୍ଚ୍ଚିତ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ମୁଖ୍ୟ ଅଭିଯୁକ୍ତ ପୁଞ୍ଜିଲାଲ୍‌ ମେହେରାଙ୍କୁ ମାଡ଼ ଅଭିଯୋଗ। ବଲାଙ୍ଗିର ଜେଲ୍‌ରେ ଜେଲର୍‌ ମାଡ଼ ମାରିଥିବା ନେଇ ଅଭିଯୋଗ। ପାଟଣାଗଡ଼ ଏସ୍‌ଡିଜେଏମ୍‌ କୋର୍ଟରେ ମାଡ଼ ନେଇ ଜଣାଇଲେ। ମାଡ଼ ନେଇ ଜଣାଇବା ସହ ଚିକିତ୍ସା ବ୍ୟବସ୍ଥା କରିବାକୁ କହିଲେ ଓକିଲ।
୨୦୧୮ ମେ’ ୫ରେ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣାର ମାଷ୍ଟରମାଇଣ୍ଡ ପୁଞ୍ଜିଲାଲ୍‍ ମେହେରକୁ ନେଇ କ୍ରାଇମ୍‍ବ୍ରାଞ୍ଚ ପୁଲିସ ରାୟପୁର ଯାଇଥିଲା। ଆଇଜି ଅରୁଣ ବୋଥ୍ରାଙ୍କ ନେତୃତ୍ୱରେ ଯାଇଥିବା ପୁଲିସ୍‍ ଟିମ୍‍ ସେଠାରେ ଘଟଣା ସମ୍ପର୍କରେ ବଳିଷ୍ଠ ପ୍ରମାଣ ସଂଗ୍ରହ କରିବାକୁ ଚେଷ୍ଟା କରିଥିଲେ। ପୁଞ୍ଜିଲାଲ୍‍ଙ୍କୁ କ୍ରାଇମ୍‍ ବ୍ରାଞ୍ଚ ପୁଣି ଥରେ ୫ ଦିନିଆ ରିମାଣ୍ଡରେ ଆଣି ପଚରାଉଚୁରା କରିଥିଲେ ମଧ୍ୟ ବଳିଷ୍ଠ ପ୍ରମାଣ ଯୋଗାଡ଼ କରିପାରିନଥିଲା। ତେଣୁ ରାୟପୁରରେ ପୁଞ୍ଜିଲାଲ୍‍ କେଉଁଠାରୁ କେଉଁ ରାସ୍ତାରେ କୋରିୟର ସଂସ୍ଥାକୁ ଯାଇଥିଲା ସେ ସମ୍ପର୍କରେ ଡେମୋ ଦେଖାଇବାକୁ ପୁଲିସ କହିଥିଲା। ମେହେରପଡ଼ା ସ୍ଥିତ ପୁଞ୍ଜିଲାଲର୍‍ ଭଡ଼ା ଘରକୁ ଯାଇ ତାଙ୍କ ମା’ ଓ ସ୍ତ୍ରୀଙ୍କୁ ପୁଲିସ୍‍ ପଚରାଉଚରା କରିଥିଲା।

Comments
Loading...