ବୌଦ୍ଧ : ବୌଦ୍ଧ ଜିଲ୍ଲା ଗଠନ ହେବାର ୨୬ ବର୍ଷ ପୂର୍ତ୍ତି ଅବସରରେ ଜିଲ୍ଲାରେ ଅନେକ ବିକାଶମୂଳକ କାର୍ଯ୍ୟର ଉଦଘାଟନ ହୋଇଛି। କରୋନା କଟକଣା ଯୋଗୁଁ ଚଳିତବର୍ଷ ଲୋକମାନେ ଜିଲ୍ଲା ସ୍ୱନକ୍ଷତ୍ର ଉତ୍ସବ ପାଳନରୁ ବଞ୍ଚିତ ହୋଇଥିବା ବେଳେ ଜିଲ୍ଲା ମହୋତ୍ସବକୁ ମଧ୍ୟ ବନ୍ଦ ରଖାଯାଇଛି। କିନ୍ତୁ ପରମ୍ପରା ରକ୍ଷା ଉଦ୍ଦେଶ୍ୟରେ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଏହି ଅବସରରେ ମହୋତ୍ସବ ପଡିଆରେ ବୁଦ୍ଧମଣ୍ଡପଠାରେ ପୂଜାର୍ଚ୍ଚନା କରିବାପରେ ରାଜପ୍ରାସାଦ ନିକଟସ୍ଥ ବୁଦ୍ଧ ମନ୍ଦିରକୁ ପହଞ୍ଚି ଜିଲ୍ଳାର ପ୍ରତୀକ ଭଗବାନ ବୁଦ୍ଧଙ୍କ ଦର୍ଶନ ଓ ପୂଜାର୍ଚ୍ଚନା କରିଥିଲେ। ଏହି ଅବସରରେ ସହକାରୀ ଜିଲ୍ଳାପାଳ ଅବିନାଶ ପାଣ୍ଡିଆ, ଜିଲ୍ଲା ସଂସ୍କୃତି ଅଧିକାରୀ ଶିଶିର କୁମାର ସାହୁ, ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ବିରଞ୍ଚି କୁମାର ଧରୁଆ ଓ ଜିଲ୍ଲା ଶିଶୁ ସୁରକ୍ଷା ଅଧିକାରୀ ରାହୁଲ ପ୍ରଧାନ ପ୍ରମୁଖ ଉପସ୍ଥିତ ଥିଲେ।
Comments are closed.