ହରଭଙ୍ଗା : ଜୋରଜବରଦସ୍ତ ଋଣ ଆଦାୟକୁ ବିରୋଧ କରି ରବିବାର ହରଭଙ୍ଗା ବ୍ଲକର ସାମ୍ପୋଚଠାରେ ଇଂ ବିକାଶ ମହାକୁଳ ଏବଂ ସୂର୍ଯ୍ୟନାରାୟଣ ମହାପାତ୍ରଙ୍କ ନେତୃତ୍ୱରେ ଦୁଇଟି ପଞ୍ଚାୟତର ମହିଳା ଗୋଷ୍ଠି ଏକତ୍ରୀତ ହୋଇଥିଲେ। ଜୋରଜବରଦସ୍ତ ଋଣ ଆଦାୟକୁ ତୀବ୍ର ବିରୋଧ କରିବା ସହିତ ଏଭଳି କାର୍ଯ୍ୟରୁ ଅର୍ଥଲଗାଣକାରୀ ସଂସ୍ଥା ନିବୃତ ନରହିଲେ ଆଗାମୀ ଦିନରେ ଅଫିସରେ ତାଲା ପକାଇ ଏହାର ଦୃଢପ୍ରତିବାଦ କରିବସାକୁ ଚେତାବନୀ ଦେଇଛନ୍ତି। ପ୍ରକାଶ ଯେ ବିଭିନ୍ନ ବେସରକାରୀ ଅର୍ଥଲଗାଣକାରୀ ସଂସ୍ଥା ଗ୍ରାମଚଂଳରେ ଅଭାବଗ୍ରସ୍ତ ଗରିବ ମହିଳାଙ୍କୁ ହାତପାହାନ୍ତାରେ ଋଣ ସୁବିଧା ଯୋଗାଇ ମୋଟା ଅଙ୍କର ସୁଧ ନେଇ ବେଶ ଲାଭବାନ ହେଉଛନ୍ତି। ମାତ୍ର ଲଗାତର ଦୁଇବର୍ଷହେଲା କରୋନା ମହାମାରୀ ଯୋଗୁଁ ଋଣଗ୍ରସ୍ତ ମହିଳାମାନେ ଋଣ ପରୋଶୋଧ କରିନପାରି ଅତି ଦୁଃଖକଷ୍ଟରେ ଜୀବନ କାଟୁଛନ୍ତି। ଏଭଳିସ୍ଥିତିରେ ସରକାର ଋଣ କିସ୍ତି ପରିଶୋଧକୁ ବାଧ୍ୟବାଧକତା କରୁନାହାଁନ୍ତି। ଅନ୍ୟପଟେ ସେମାନଙ୍କୁ ବଞ୍ଚିବା ପାଇଁ ସହାୟତା ପ୍ରଦାନ କରୁଛନ୍ତି। ମାତ୍ର ଅର୍ଥଲଗାଣକାରୀ ସଂସ୍ଥା ଋଣଗ୍ରସ୍ତ ମହିଳାଙ୍କ ଘରେ ପହଞ୍ଚି ଜୋର ଜବଦସ୍ତ ଅର୍ଥ ମାଗୁଥିବା ଘଟଣାକୁ ମହିଳା ମାନେ ବିରୋଧ କରୁଛନ୍ତି।
Comments are closed.