ଜି୨୦ ଶିଖର ସମ୍ମିଳନୀରେ ଯୋଗଦେବେ; ବିଶ୍ୱ ଅର୍ଥନୀତି ଓ କୋଭିଡ ମହାମାରୀରୁ ସୁସ୍ଥତା ସମ୍ପର୍କରେ ହେବ ଆଲୋଚନା
ରୋମ: ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଇଟାଲି ଗସ୍ତରେ ଆସି ଶୁକ୍ରବାର ଏଠାରେ ପହଞ୍ଚିଛନ୍ତି । ତାଙ୍କର ଏହି ଗସ୍ତ କାଳରେ ପ୍ରଧାନମନ୍ତ୍ରୀ ଭାଟିକାନ ସିଟି ଗସ୍ତ କରି ପୋପ ଫ୍ରାନସିସ୍ ଏବଂ ବୈଦେଶିକ ମନ୍ତ୍ରୀ କାର୍ଡିନାଲ ପିତ୍ରୋ ପାରୋଲିନଙ୍କୁ ସାକ୍ଷାତ କରିବେ । ଏହାପରେ ସିଓପି-୨୬ ବିଶ୍ୱ ନେତୃବୃନ୍ଦଙ୍କ ଶିଖର ସମ୍ମିଳନୀରେ ଯୋଗଦେବାକୁ ବ୍ରିଟେନ ଯିବେ । ଚଳିତ ଇଟାଲି ଗସ୍ତ କାଳରେ ଶ୍ରୀ ମୋଦି ଜି୨୦ ଶିଖର ସମ୍ମିଳନୀରେ ଯୋଗଦେଇ ଗୁରୁତ୍ୱପୂର୍ଣ୍ଣ ବିଶ୍ୱସ୍ତରୀୟ ପ୍ରସଙ୍ଗଗୁଡିକ ଉପରେ ଅନ୍ୟ ନେତୃବୃନ୍ଦଙ୍କ ସହିତ ଆଲୋଚନା କରିବେ ବୋଲି ଜଣାଯାଇଛି । ଏଥିସହିତ ରୋମରେ ରହଣି ଅବସରରେ ସେ ଅନ୍ୟାନ୍ୟ କାର୍ଯ୍ୟକ୍ରମରେ ଯୋଗଦେବେ ବୋଲି ପ୍ରଧାନମନ୍ତ୍ରୀ ଟ୍ୱିଟ କରି କହିଛନ୍ତି । ତାଙ୍କର ଗସ୍ତ ପୂର୍ବରୁ ଗୁରୁବାର ପ୍ରଧାନମନ୍ତ୍ରୀ ନୂଆଦିଲ୍ଲୀ ଠାରେ କହିଥିଲେ ଯେ, କୋଭିଡ ମହାମାରୀରୁ ଆରୋଗ୍ୟ ଲାଭ କରିବା ଏବଂ ବିଶ୍ୱ ଅର୍ଥନୀତି ପ୍ରସଙ୍ଗରେ ମଧ୍ୟ ଆଲୋଚନା କରିବେ । କୋଭିଡ ପରବର୍ତ୍ତୀ ସମୟରେ ଏହା ବିଶ୍ୱ ନେତୃବୃନ୍ଦଙ୍କର ଶାରୀରିକ ଉପସ୍ଥିତିରେ ପ୍ରଥମ ଜି୨୦ ବୈଠକ ହେବାକୁ ଯାଉଛି । ଜି୨୦ ଶିଖର ସମ୍ମିଳନୀ ଅବସରରେ ସେ ବିଶ୍ୱର ଅନ୍ୟ ରାଷ୍ଟ୍ରର ନେତୃବୃନ୍ଦଙ୍କୁ ଭେଟି ସେମାନଙ୍କ ସହିତ ଭାରତର ଦ୍ୱିପାକ୍ଷିକ ସମ୍ପର୍କରେ ଅଗ୍ରଗତି ସମ୍ପର୍କରେ ସମୀକ୍ଷା କରିବେ ବୋଲି ଜଣାଯାଇଛି ।
Comments are closed.