ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଗାଁ ପାହାଡ଼ପୁରରେ ଆରମ୍ଭ ହେବ ୫-ଜି ସେବା

ରାଇରଙ୍ଗପୁର : ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଗାଁ କୁସୁମୀ ବ୍ଳକ ପାହାଡପୁରସ୍ଥ ଏସଏଲଏସ ଟ୍ରଷ୍ଟ ପରିସରରେ ଆସନ୍ତାକାଲି ୫-ଜି ମୋବାଇଲ ସେବାର ଉଦ୍‌ଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଏଥିପାଇଁ ମୋବାଇଲ ସେବା ଯୋଗାଣକାରୀ ରିଲାଏନ୍ସ କମ୍ପାନୀ ତରଫରୁ ପାହାଡପୁର ଗ୍ରାମରେ ବ୍ୟାପକ ପ୍ରସ୍ତୁତି ହୋଇଛି । ରିଲାଏନ୍ସ ଜିଓ କମ୍ପାନୀର ଉଚ୍ଚ ପଦାଧିକାରୀ ପହଞ୍ଚି ପ୍ରସ୍ତୁତି ଚଳାଇଛନ୍ତି। ଶନିବାର ପ୍ରଧାନମନ୍ତ୍ରୀ ମୋଦୀ ଓଡିଶାର ମୟୂରଭଞ୍ଜ ଜିଲାର ପାହାଡପୁର ସମେତ ଗୁଜରାଟ ଓ ଲଦାଖରେ ଏହି ୫-ଜି ସେବାର ଶୁଭ ଉଦଘାଟନ କରିବେ। ଏହାର ସିଧା ପ୍ରସାରଣ ଦେଖିବା ସହ ଏସଏଲଏସ ଟ୍ରଷ୍ଟର ଛାତ୍ରଛାତ୍ରୀ ପ୍ରଧାନମନ୍ତ୍ରୀଙ୍କ ସହ କଥାବାର୍ତ୍ତା କରିବେ। ଏଥିପାଇଁ ପାହାଡପୁର ଗ୍ରାମ ଚଳଚଞ୍ଚଳ ହୋଇପଡିଛି ।

Comments are closed.