୨୦୧୯-୨୦ ବର୍ଷ ପାଇଁ ଜାତୀୟ ସେବା ଯୋଜନା ପୁରସ୍କାର ପ୍ରଦାନ କଲେ ରାଷ୍ଟ୍ରପତି

ରାଷ୍ଟ୍ରପତି ରାମ ନାଥ କୋବିନ୍ଦ ଆଜି ଭର୍ଚୁଆଲ୍ ମୋଡ୍ ମାଧ୍ୟମରେ ରାଷ୍ଟ୍ରପତି ଭବନରୁ ୨୦୧୯-୨୦ ବର୍ଷ ପାଇଁ ଜାତୀୟ ସେବା ଯୋଜନା ପୁରସ୍କାର ପ୍ରଦାନ କରିଛନ୍ତି। ବିଶ୍ୱବିଦ୍ୟାଳୟ / ଯୁକ୍ତ ଦୁଇ ପରିଷଦ, ଜାତୀୟ ସେବା ଯୋଜନା ୟୁନିଟ୍ ଏବଂ ସେମାନଙ୍କ ପ୍ରୋଗ୍ରାମ ଅଫିସର ଓ ଜାତୀୟ ସେବା ଯୋଜନା ସ୍ବେଚ୍ଛାସେବୀ ପରି ୩ଟି ବର୍ଗରେ ଏହି ପୁରସ୍କାର ପ୍ରଦାନ କରାଯାଇଛି। ୪୨ଟି ପୁରସ୍କାର ମଧ୍ୟରୁ ୧୪ଟି ପୁରସ୍କାର ବାଳିକାମାନଙ୍କୁ ସମାଜ ପାଇଁ ସେମାନଙ୍କ ଆଦର୍ଶ କାର୍ଯ୍ୟ ପାଇଁ ପ୍ରଦାନ କରାଯାଇଛି। ନୂଆଦିଲ୍ଲୀର ସୁଷମା ସ୍ୱରାଜ ଭବନରେ ଅନୁଷ୍ଠିତ ସମାରୋହରେ ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର ଏବଂ ରାଷ୍ଟ୍ରମନ୍ତ୍ରୀ ନିଶିଥ ପ୍ରମାଣିକ ମଧ୍ୟ ଉପସ୍ଥିତ ଥିଲେ।

ବିଜେତାମାନଙ୍କୁ ଅଭିନନ୍ଦନ ଜଣାଇ ରାଷ୍ଟ୍ରପତି ରାମ ନାଥ କୋବିନ୍ଦ କହିଛନ୍ତି, ଭାରତକୁ ଯୁବକମାନଙ୍କ ଦେଶ କୁହାଯାଏ କାରଣ ଏହାର ଜନସଂଖ୍ୟାର ୩୫ ପ୍ରତିଶତ ଯୁବକ ତେଣୁ ଆଜି ମୁଁ ସମସ୍ତ ପୁରସ୍କାର ପ୍ରାପ୍ତ ବ୍ୟକ୍ତିଙ୍କୁ ସମାଜରେ ଅବଦାନ ପାଇଁ ଅଭିନନ୍ଦନ ଜଣାଉଛି। ସ୍ବେଚ୍ଛାକୃତ ଭାବରେ ଛାତ୍ରମାନଙ୍କ ବ୍ୟକ୍ତିତ୍ୱ ଏବଂ ଚରିତ୍ରର ବିକାଶ ସମାଜ ସେବା ପୁରସ୍କାରର ମୂଳ ଉଦ୍ଦେଶ୍ୟ ବୋଲି ସେ କହିଛନ୍ତି। ରାଷ୍ଟ୍ରପତି କହିଛନ୍ତି, ଯେଉଁ ସମାଜ ପ୍ରତ୍ୟେକ ବର୍ଗର ମହିଳାମାନଙ୍କୁ ସେମାନଙ୍କର ଇଚ୍ଛା ଏବଂ ସାମର୍ଥ୍ୟ ଅନୁଯାୟୀ ସୁଯୋଗ ଯୋଗାଇଥାଏ, ସେମାନଙ୍କୁ ଏକ ପ୍ରଗତିଶୀଳ ସମାଜ କୁହାଯାଏ। ସେ ଆହୁରି ମଧ୍ୟ କହିଛନ୍ତି ଯେ ମୁଁ ଆଜି ବହୁତ ଖୁସି ଯେ ଏହି ପୁରସ୍କାର ପାଇଁ ୧୪ ଜଣ ବାଳିକା ମନୋନୀତ ହୋଇଛନ୍ତି, ଯାହା ମୋ ପାଇଁ ଗର୍ବର ବିଷୟ।

ଶ୍ରୀ କୋବିନ୍ଦ କହିଛନ୍ତି ଯେ, ଜାତୀୟ ସେବା ଯୋଜନାର ଆଦର୍ଶଗତ ଦିଗ ମହାତ୍ମା ଗାନ୍ଧୀଙ୍କ ଆଦର୍ଶ ଦ୍ୱାରା ଅନୁପ୍ରାଣିତ ହୋଇଛି। ଜାତୀୟ ସେବା ଯୋଜନା ହେଉଛି ଏକ କେନ୍ଦ୍ରୀୟ କ୍ଷେତ୍ର ଯୋଜନା ଯାହାକି ୧୯୬୯ରେ ଆରମ୍ଭ କରାଯାଇଥିଲା। ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରଣାଳୟ, ଯୁବ ବ୍ୟାପାର ବିଭାଗ ପ୍ରତିବର୍ଷ ଜାତୀୟ ସେବା ଯୋଜନା ପୁରସ୍କାର ପ୍ରଦାନ କରିଥାଏ। ଏହା ବିଶ୍ୱବିଦ୍ୟାଳୟ, କଲେଜ, ପରିଷଦ ଦ୍ୱାରା ଉଲ୍ଲେଖନୀୟ ଅବଦାନ ଲାଗି ଏହି ପୁରସ୍କାର ପ୍ରଦାନ କରାଯାଇଥାଏ।

Comments
Loading...