ହାଇଜମ୍ପରେ ରୌପ୍ୟ ପଦକ ଜିତିଲେ ପ୍ରବୀଣ କୁମାର

ଟୋକିଓ: ଟୋକିଓ ପାରା ଅଲମ୍ପିକରେ ଭାରତର ଭଲ ପ୍ରଦର୍ଶନ ଜାରି ରହିଥିବା ଦେଖାଯାଉଛି। ଆଜି ଭାରତକୁ ଆଉ ଏକ ପଦକ ମିଳିଛି। ନୋଏଡାର ପ୍ରବୀଣ କୁମାର ପୁରୁଷ ହାଇଜମ୍ପରେ ରୌପ୍ୟ ପଦକ ଜିତିଛନ୍ତି। ପ୍ରବୀଣ କୁମାର ୨.୦୭ ମିଟର ଲମ୍ପ ମାରି ୨ୟ ସ୍ଥାନରେ ରହିଥିଲେ। ୧୮ ବର୍ଷୀୟ ପ୍ରବୀଣ ୨୦୦୩ରେ ମେ ୧୫ରେ ଉତ୍ତରପ୍ରଦେଶର ନୋଏଡାରେ ଜନ୍ମ ଗ୍ରହଣ କରିଥିଲେ। ୨୦୧୯ରେ ଅନ୍ତର୍ଜାତୀୟ ଖେଳରେ ଭାଗ ନେଇଥିଲେ। ଏହାସହ ୨ ବର୍ଷ ମଧ୍ୟରେ ପାରା ଅଲମ୍ପିକରେ ପ୍ରବୀଣ ପଦକ ଜିତିଛନ୍ତି। ଟୋକିଓ ପାରା ଅଲମ୍ପିକ-୨୦୨୦ରେ ଭାରତ ମୋଟ ୧୧ଟି ପଦକ ପାଇଛି। ୨ଟି ସ୍ୱର୍ଣ୍ଣ,୬ଟି ରୌପ୍ୟ ଓ ୩ଟି କାଂସ୍ୟ ପଦକ ଜିତିସାରିଛି।

 

Comments
Loading...