ନୂଆଦିଲ୍ଲୀ : ୟୁକ୍ରେନ ବର୍ତ୍ତମାନ ମଧ୍ୟ ବିପଦ ମଧ୍ୟରେ ଗତି କରୁଛି। ରୁଷ ଆକ୍ରମଣରେ ୟୁକ୍ରେନରେ ହାହାକାର ପରିସ୍ଥିତି ସୃଷ୍ଟି ହୋଇଛି। ଲୋକେ ଜୀବନ ବଞ୍ଚାଇବାକୁ ବିଭିନ୍ନ ମାର୍ଗ ଜାରି ରଖିଛନ୍ତି। ସେଠାରେ ଥିବା ଭାରତୀୟ ମଧ୍ୟ ବିିଭିନ୍ନ ସମସ୍ୟାର ସାମ୍ନା କରୁଛନ୍ତି। ସେଠାରୁ ଭାରତୀୟଙ୍କୁ ଫେରାଇ ଆଣିବାକୁ ଅନେକ ପଦକ୍ଷେପ ମଧ୍ୟ ଗ୍ରହଣ କରାଯାଉଛି। ମାତ୍ର ବିମାନ ସେବା ବନ୍ଦ ଥିବାରୁ ପରିସ୍ଥିତି ଜଟିଳ ହୋଇଛି।
ଭାରତୀୟ ଛାତ୍ରଛାତ୍ରୀଙ୍କୁ ଫେରାଇ ଆଣିବା ପାଇଁ ଅପରେସନ ‘ଗଙ୍ଗା’ ଆରମ୍ଭ ହୋଇଛି। ଏହାସହ ୟୁକ୍ରେନର ପଡୋଶୀ ଦେଶର ସହାୟତାରେ ଭାରତୀୟ ଛାତ୍ରଙ୍କୁ ସ୍ୱଦେଶ ଫେରାଇ ଆଣିବାକୁ ପ୍ରୟାସ କରାଯାଉଛି। ଭାରତୀୟ ଦୂତବାସ ପକ୍ଷରୁ କୁହାଯାଇଛି, ଭାରତୀୟ ଛାତ୍ରଛାତ୍ରୀ ବାହାରକୁ ବାହାରିବା ମାତ୍ରେ ସାଙ୍ଗରେ ତ୍ରିରଙ୍ଗା ଧରି ବାହାରନ୍ତୁ।
ଭାରତରୁ ହଜାର କିଲୋମିଟର ଦୂର ବତ୍ତର୍ମାନ ଯୁଦ୍ଧ ସମୟରେ ମଧ୍ୟ ତ୍ରିରଙ୍ଗାକୁ ସମ୍ମାନ ପ୍ରଦାନ କରାଯାଉଥିବା ଦେଖାଯାଉଛି। ତ୍ରିରଙ୍ଗା ଯୋଗୁଁ ଜୀବନ ବଞ୍ଚିବା ସହ ଅନେକ ସ୍ଥାନକୁ ଯିବା ସମୟରେ ଗାଡିରେ ତ୍ରିିରଙ୍ଗା ଲଗାଇ ଯିବାରୁ କୌଣସି ଆକ୍ରମଣ ମଧ୍ୟ କରାଯାଉ ନାହିଁ। ଗୁଳିଚାଳନା ବନ୍ଦ କରାଯାଉଛି। ତ୍ରିରଙ୍ଗାକୁ ଦେଖି ଉଭୟ ୟୁକ୍ରେନ ଓ ରୁଷ ସେନା ଗୁଳିଚାଳନା ରୋକି ଦେଉଛନ୍ତି। ଏଭଳି ଅନେକ ଭିଡିଓ ଭାଇରାଲ ହେଉଥିବା ଦେଖାଯାଉଛି। ଭାରତୀୟ ଛାତ୍ରଙ୍କୁ ରାସ୍ତା ମଧ୍ୟ ଦେଖାଉଛନ୍ତି। ଭାରତୀୟ ଛାତ୍ର କହିଛନ୍ତି, ତ୍ରିରଙ୍ଗା ପାଇଁ ହିଁ ସୁରକ୍ଷିତ ଫେରିଛୁ।
ୟୁକ୍ରେନରୁ ଫେରିଥିବା ଜଣେ ଛାତ୍ରୀ କହିଛନ୍ତି, ଆମକୁ ୟୁକ୍ରେନରେ ଜଣାପଡିଛି, ତ୍ରିରଙ୍ଗାର ମହତ୍ତ୍ୱ କ’ଣ। ପୂର୍ବରୁ ହିଁ କୁହାଯାଇଥିଲା ତ୍ରିରଙ୍ଗା ପାଇଁ ହିଁ ବିପଦ, ଆକ୍ରମଣରୁ ରକ୍ଷା ମିଳିବ। ମୋ ନିକଟରେ ମଧ୍ୟ ତ୍ରିରଙ୍ଗା ଥିବାରୁ ମୁଁ ସୁରକ୍ଷିତ ଫେରିଛି।
Comments are closed.