ନୂଆଦିଲ୍ଲୀ: ଉତ୍ତରପ୍ରଦେଶର କାନ୍ପୁରରେ ଗୁରୁବାର ରାତିରେ ପୁଲିସ ଓ ଅପରାଧୀଙ୍କ ମଧ୍ୟରେ ଏନକାଉଣ୍ଟରର ଘଟିଥିଲା। ଏଥିରେ ୮ ପୁଲିସ ଅଧିକାରୀ ସହିଦ ହେବା ସହ ୨ ଅପରାଧୀ ନିହତ ହୋଇଥିଲେ। ତେବେ ଏହି ଦୁଇ ଅପରାଧୀ ହେଉଛନ୍ତି ଉତ୍ତରପ୍ରଦେଶର ମୋଷ୍ଟ ୱାଣ୍ଟେଡ୍ ତଥା ବାହୁବଳୀ ରାଜନେତା ବିକାଶ ଦୁବେର ଦାଦା ଏବଂ ଭାଇ। କାନପୁର ରେଞ୍ଜ ଆଇଜି ମୋହିତ ଅଗ୍ରୱାଲ ଏହି ସୂଚନା ଦେଇଛନ୍ତି। ୮ ପୁଲିସ ଅଧିକାରୀଙ୍କୁ ହତ୍ୟା ପଛରେ ବିକାଶ ଦୁବେର ହାତ ଥିବା କୁହାଯାଉଛି।
ବିକାଶ ଦୁବେ ହେଉଛି ଉତ୍ତରପ୍ରଦେଶର ସବୁଠୁ ଜଣାଶୁଣା ଦୁର୍ଦ୍ଦାନ୍ତ ଅପରାଧୀ। ସେ ୨୦୦୧ରେ ଉତ୍ତରପ୍ରଦେଶର ମନ୍ତ୍ରୀ ସନ୍ତୋଷ ଶୁକ୍ଳାଙ୍କୁ ହତ୍ୟା କରିଥିଲେ। କେବଳ ଏହି ଘଟଣା ନୁହେଁ ବହୁ ହାଇପ୍ରୋଫାଇଲ ହତ୍ୟା ମାମଲାରେ ବିକାଶ ମୋଷ୍ଟ ୱାଣ୍ଟେଡ୍ ରହିଛି। ବିକ୍ରୁ ଗାଁର ବାସିନ୍ଦା ବିକାଶ ନାଁରେ ଡକାୟତି, ଅପହରଣ ଏବଂ ହତ୍ୟା ଭଳି ୬୦ରୁ ଅଧିକ ମାମଲା ରହିଛି। କିଛବର୍ଷ ତଳେ ଦୌରାଜଜ୍ କୋର୍ଟ ତା’କୁ ପ୍ରମାଣ ଅଭାବରୁ ନିର୍ଦୋଷରେ ଖଲାସ କରିଥିଲେ। ଗତ ଗୁରୁବାର ରାତିରେ ବିକାଶ ନାଁରେ ଏକ ହତ୍ୟା ଉଦ୍ୟମ ଅଭିଯୋଗ ଆସିବା ପରେ ପୁଲିସ ତା’କୁ ଧରିବାକୁ ଯାଇଥିଲା। ଏହି ସମୟରେ ବିକାଶର ସହଯୋଗୀ ଅପରାଧୀ ଏବଂ ପୁଲିସ ମଧ୍ୟରେ ଗୁଳିବିନିମୟ ଘଟିଥିଲା, ଯେଉଁଥିରେ ତା’ର ଦାଦା ଏବଂ ଭାଇ ନିହତ ହୋଇଛନ୍ତି। ଏହି ଗୁଳିବିନିମୟରେ ଜଣେ ଡିଏସପିଙ୍କ ସମେତ ୮ ପୁଲିସ ଅଧିକାରୀ ସହିଦ ହୋଇଥିଲେ।
ବିକାଶ ଜେଲ୍ରେ ଥାଇ ଏକାଧିକ ହତ୍ୟାକାଣ୍ଡ ଘଟାଇଛି। ତାରାଚାନ୍ଦ ଇଣ୍ଟର କଲେଜର ଅଧ୍ୟକ୍ଷ ଏବଂ ଆସିଷ୍ଟାଣ୍ଟ ମ୍ୟାଜେରଙ୍କୁ ହତ୍ୟା ମାମଲାରେ ମଧ୍ୟ ତା’ର ସମ୍ପୃକ୍ତି ରହିଛି। ଏପରି କି ୨୦୧୮ରେ ମାଟି ଜେଲ୍ରେ ଥିବାବେଳେ ବିକାଶ ତା’ର ଏକ ଭାଇ ଅନୁରାଗକୁ ମଧ୍ୟ ହତ୍ୟା କରିବାକୁ ବ୍ଲୁପ୍ରିଣ୍ଟ କରିଥିଲା ଏବଂ ଏଥିରେ ସଫଳ ମଧ୍ୟ ହୋଇଥିଲା। ସେହିପରି ୨୦୦୦ ମସିହାରେ ରାମବାବୁ ଯାଦବ ଏବଂ ୨୦୦୪ରେ କେବୁଲ ଟିଭି ବ୍ୟବସାୟୀ ଦୀନେଶ ଦୁବେ ହତ୍ୟା ମାମଲାରେ ବି ବିକାଶର ସମ୍ପୃକ୍ତି ରହିଛି। ମାୟାବତୀଙ୍କ ସରକାର ସମୟରେ ବିକାଶ ବେଆଇନ ଉପାୟରେ ବହୁ ସମ୍ପତ୍ତି ଠୁଳ କରିଥିଲା। ଏହା ସହିତ ଜେଲ୍ରେ ଥିବାବେଳେ ସେ ଶିବରାଜପୁର ନଗର ପଞ୍ଚାୟତ ନିର୍ବାଚନରେ ମଧ୍ୟ ବିଜୟୀ ହୋଇଥିଲା।
Comments are closed.