କଣ୍ଟାବାଞ୍ଜି : କଣ୍ଟାବାଞ୍ଜି ପୋଲିସ ସ୍ଥାନୀୟ ଆମ୍ବେଦକର ଛକ ନିକଟ ଏକ ସଟା ଗଦି ଉପରେ ଚଡାଉ କରି ଦୁଇ ଜଣଙ୍କୁ ଗିରଫ କରିବା ସହ, ନଗଦ ୪୩୨୦ ଟଙ୍କା, ସଟ୍ଟା ଚିଟ, ହିସାବ ଖାତା ଓ ସଟ୍ଟା ଚାଟ ଜବତ କରି ଥିବା ଜଣାପଡିଛି। ନୂତନ ଭାବେ କଣ୍ଟାବାଞ୍ଜି ଥାନା ଏଏସଆଇ ପରମା ନନ୍ଦ ମାଝୀ ପୁଲିସ ଫୋର୍ସ ସହ ପୂର୍ବରୁ ଖବର ପାଇ ପୁରୁଣା ପୋଷ୍ଟ ଅଫିସ ନିକଟ ଏକ ଘରେ ଚଢାଉ କରି ବିକାଶ ସୋନି ଓ କୀର୍ତି ପୁଟେଲଙ୍କୁ ଧରି ଥିଲେ। ଏମାନଙ୍କ ନାମରେ ଏତଲା ଦେବା ପରେ ଏସ ଆଇ ହୀରା ଖାଲକୋ ଏକ ମାମଲା ରୁଜୁ କରି ଉଭୟ ଅଭିଯୁକ୍ତଙ୍କୁ ଗିରଫ କରିବା ସହ ଆଜି ଅପରାହ୍ନରେ ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟଙ୍କ କୋର୍ଟକୁ ଚାଲାଣ କରିଥିଲେ । ପରେ ମାଜିଷ୍ଟ୍ରେଟ ଦୁଇ ଅଭିଯୁକ୍ତଙ୍କର ଜାମିନ ଆବେଦନ ନାମଞ୍ଜୁର କରିଥିବାରୁ, କଣ୍ଟାବାଞ୍ଜି ଉପ କାରାଗାରକୁ ପଠାଇ ଦିଆଯାଇଥିବା ପୋଲିସ ସୂତ୍ରରୁ ଜଣା ପଡିଛି।
Comments are closed.