ଆଜି ପୁଲିସ ସ୍ମାରକୀ ଦିବସ
ଆଜି ସାରା ଦେଶରେ ପୁଲିସ ସ୍ମାରକୀ ଦିବସ ପାଳିତ ହେଉଛି। ପ୍ରତିବର୍ଷ ଅକ୍ଟୋବର ୨୧ ତାରିଖ ଦିନଟିକୁ ପୁଲିସ ସ୍ମାରକୀ ଦିବସ ଭାବେ ପାଳନ କରାଯାଇଥାଏ। ଦେଶ ପାଇଁ ପୁଲିସ ଯବାନମାନଙ୍କର ବଳିଦାନ ଓ କର୍ତ୍ତବ୍ୟ ପରାୟଣତା ପ୍ରତି ସମ୍ମାନ ପ୍ରଦର୍ଶନ ସ୍ୱରୂପ ଏହି ଦିବସ ପାଳନ କରାଯାଉଛି। ୧୯୫୯ ମସିହାର ଆଜିର ଦିନରେ ସିଆରପିଏଫ୍ ନେତୃତ୍ୱରେ ଲଦାଖରେ ଏକ ସାହସିକ ତଥା ବୀରତ୍ୱପୂର୍ଣ୍ଣ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ସିଆରପିଏଫ୍ ଓ ଗୋଇନ୍ଦା ବ୍ୟୁରୋର ଏକ ୨୦ ଜଣିଆ ଦଳ ନିଖୋଜ ହୋଇଥିବା ଏକ ପହରାଦାର ଦଳକୁ ଠାବ କରିବାକୁ ଯାଇଥିବା ବେଳେ ଚୀନ୍ ସୈନ୍ୟମାନେ ସେମାନଙ୍କ ଉପରେ ଆକ୍ରମଣ କରିଥିଲେ। ଚୀନ ପକ୍ଷରୁ ଏଭଳି ଆକସ୍ମିକ ଆକର୍ମଣ ସତ୍ତ୍ବେ ସେମାନେ ଚୀନ ସୈନ୍ୟଙ୍କ ବିପକ୍ଷରେ ବୀରତ୍ୱର ସହ ଲଢ଼ିଥିଲେ ଓ ଶହୀଦ ହୋଇଯାଇଥିଲେ।
पुलिस स्मृति दिवस के अवसर पर, उन सभी अमर शहीद पुलिस कर्मियों के शौर्य और समर्पण को श्रद्धापूर्वक नमन करता हूं,जिन्होंने राष्ट्र और आम नागरिकों की सुरक्षा के लिए अपना सर्वस्व बलिदान कर दिया।कृतज्ञ राष्ट्र आपके बलिदान के प्रति सदैव ऋणी रहेगा।#PoliceCommemorationDay @IPS_Association
— Vice President of India (@VPSecretariat) October 21, 2020
ଉପରାଷ୍ଟ୍ରପତି ଭେଙ୍କିୟାନାଇଡୁ ସେହି କାର୍ଯ୍ୟାନୁଷ୍ଠାନରେ ସେତେବେଳେ ଶହୀଦ ହୋଇଥିବା ଯବାନମାନଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଟ୍ୱିଟ୍ କରି ଶ୍ରୀ ନାଇଡୁ କହିଛନ୍ତି, ଦେଶ ସେମାନଙ୍କର ବଳିଦାନ ଓ ବୀରତ୍ୱ ପାଇଁ ସେମାନଙ୍କ ନିକଟରେ ଚିରକୃତଜ୍ଞ ରହିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୁଲିସ ସ୍ମାରକୀ ଦିବସ ଅବସରରେ ଶହୀଦ ପୁଲିସ୍ କର୍ମଚାରୀମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।
Police Commemoration Day is about expressing gratitude to our police personnel and their families all across India. We pay tributes to all the police personnel martyred in the line of duty. Their sacrifice and service would always be remembered. pic.twitter.com/69gkT1yH24
— Narendra Modi (@narendramodi) October 21, 2020
କିଛି ଟ୍ୱିଟ୍ ବାର୍ତ୍ତାରେ ଶ୍ରୀ ମୋଦୀ କହିଛନ୍ତି, ପୁଲିସ ସ୍ମାରକୀ ଦିବସ ଦେଶର ସମସ୍ତ ପୁଲିସ କର୍ମଚାରୀ ଓ ସେମାନଙ୍କ ପରିବାରର ସଦସ୍ୟମାନଙ୍କ ପ୍ରତି କୃତଜ୍ଞତା ଜ୍ଞାପନ କରିବା ଉଦ୍ଦେଶ୍ୟରେ ପାଳନ କରାଯାଉଛି। ସେ କହିଛନ୍ତି, ସେମାନଙ୍କର ବଳିଦାନ ଓ ସେବା ଚିର ସ୍ମରଣୀୟ ହୋଇ ରହିବ। ପ୍ରଧାନମନ୍ତ୍ରୀ କହିଛନ୍ତି, ଆଇନଶୃଙ୍ଖଳା ରକ୍ଷାକରିବା ଠାରୁ ଆରମ୍ଭ କରି ଜଘନ୍ୟ ଅପରାଧ ଘଟଣାଗୁଡ଼ିକର ସମାଧାନ କରିବା ଓ ବିଭିନ୍ନ ଦୁର୍ବିପାକ ସମୟରେ ସହାୟତା କରିବା ଭଳି କାର୍ଯ୍ୟ ପାଇଁ ପୁଲିସ୍ ଯବାନମାନେ ସର୍ବଦା ତତ୍ପର ରହିଆସିଛନ୍ତି। ସେ କହିଛନ୍ତି, ଦେଶର ନାଗରିକମାନଙ୍କୁ ସହାୟତା କରିବା ପାଇଁ ସେମାନଙ୍କର ଇଚ୍ଛା ଓ ପ୍ରସ୍ତୁତି ପାଇଁ ଦେଶ ଗର୍ବ ଅନୁଭବ କରୁଛି।
Comments are closed.