କୋଭିଡ ସମୟରେ ଶିକ୍ଷକମାନଙ୍କ ଭୂମିକା ଅତୁଳନୀୟ ଥିଲା – ପ୍ରଧାନମନ୍ତ୍ରୀ

ଗୁରୁଦିବସ ଅବସରରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶିକ୍ଷକମାନଙ୍କୁ ଶୁଭେଚ୍ଛା ଜଣାଇଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ କୋଭିଡ ମହାମାରୀ ସମୟରେ ଶିକ୍ଷକମାନେ ଯେଭଳି ଅଭିନବ ପନ୍ଥା ଆପଣେଇଲେ ଓ ଶିକ୍ଷାଦାନ ନିଶ୍ଚିତ କଲେ ତାହା ପ୍ରଶଂସନୀୟ। ପୂର୍ବତନ ରାଷ୍ଟ୍ରପତି ତଥା ମହାନ ଶିକ୍ଷାବିତ୍ ଡଃ ସର୍ବେପଲ୍ଲୀ ରାଧାକୃଷ୍ଣନଙ୍କ ଜନ୍ମ ଦିବସକୁ ପ୍ରତିବର୍ଷ ଗୁରୁଦିବସ ଭାବରେ ପାଳନ କରାଯାଏ।

On Teachers' Day, greetings to the entire teaching fraternity, which has always played a pivotal role in nurturing young minds. It is commendable how teachers have innovated and ensured the education journey of students continues in the COVID-19 times.

— Narendra Modi (@narendramodi) September 5, 2021

ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ଡଃ ସର୍ବେପଲ୍ଲୀ ରାଧାକୃଷ୍ଣନଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ପ୍ରଧାନମନ୍ତ୍ରୀ ଏକ ଟୁଇଟ୍‌ରେ କହିଛନ୍ତି, ‘ମୁଁ ତାଙ୍କ ଜୟନ୍ତୀରେ ଡକ୍ଟର ଏସ୍ ରାଧାକୃଷ୍ଣନଙ୍କୁ ସମ୍ମାନ ଜଣାଇଛି ଏବଂ ଆମ ଦେଶ ପାଇଁ ତାଙ୍କର ଅବଦାନକୁ ମନେ ପକାଉଛି। ଅନ୍ୟ ଏକ ଟୁଇଟରେ ପ୍ରଧାନମନ୍ତ୍ରୀ କହିଛନ୍ତି, ‘ସମାଜରେ ଗୁରୁତ୍ୱପୂର୍ଣ୍ଣ ଭୂମିକା ବହନ କରୁଥିବା ଶିକ୍ଷକ ସମାଜକୁ ମୁଁ ଶୁଭେଚ୍ଛା ଜଣାଉଛି।