MEllora 950×100

ରାଜ୍ୟସଭାର ନୂଆ ଅଧ୍ୟକ୍ଷ ଜଗଦୀପ ଧନଖଡ଼ଙ୍କୁ ସ୍ୱାଗତ କଲେ ପ୍ରଧାନମନ୍ତ୍ରୀ

ଡେସ୍କ: ରାଜ୍ୟସଭାର ନୂଆ ଅଧ୍ୟକ୍ଷ ଜଗଦୀପ ଧନଖଡ଼ଙ୍କ ଅଧ୍ୟକ୍ଷତାରେ ସଭା କାର୍ଯ୍ୟ ନୂତନ ଶିଖର ଛୁଇଁବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କରିଛନ୍ତି। ଶୀତକାଳୀନ ଅଧିବେଶନର ପ୍ରଥମ ଦିନରେ ପ୍ରଧାନମନ୍ତ୍ରୀ ତାଙ୍କୁ ଶୁଭେଚ୍ଛା ଜଣାଇଛନ୍ତି। ସେ କହିଛନ୍ତି, ଶ୍ରୀ ଧନଖଡ଼ଙ୍କର ଜୀବନ ସମସ୍ତଙ୍କ ପାଇଁ ପ୍ରେରଣାର ଉତ୍ସ ହୋଇଛି।

ପ୍ରଧାନମନ୍ତ୍ରୀ କହିଛନ୍ତି, ଶ୍ରୀ ଧନଖଡ଼ ଏକ କୃଷକ ପରିବାରରୁ ଆସିଛନ୍ତି ଓ ସେ ସୈନିକ ସ୍କୁଲରେ ତାଙ୍କର ଶିକ୍ଷା ଆରମ୍ଭ କରିଥିଲେ। ସେ ଦୃଷ୍ଟିରୁ କୃଷକ ଓ ଯବାନଙ୍କ ଗୁଣ ତାଙ୍କ ପାଖରେ ଭରି ରହିଛି। ଶ୍ରୀ ମୋଦୀ କହିଛନ୍ତି, ରାଜ୍ୟସଭା ଭାରତର ସର୍ବବୃହତ ଶକ୍ତି। ଦେଶର ଅନେକ ପ୍ରଧାନମନ୍ତ୍ରୀ ରାଜ୍ୟସଭାର ସଦସ୍ୟ ଭାବେ କାର୍ଯ୍ୟ କରିଛନ୍ତି। ଉପରାଷ୍ଟ୍ରପତିଙ୍କୁ କିଷାନ ପୁତ୍ର ବର୍ଣ୍ଣନା କରି ଆଇନଗତ ବ୍ୟାପାରରେ ତାଙ୍କର ଅଗାଧ ଜ୍ଞାନ ଥିବାର ସେ କହିଛନ୍ତି।

ବିରୋଧୀଦଳ ନେତା ମଲ୍ଲିକାର୍ଜୁନ ଖଡ୍‌‌ଗେ ଶ୍ରୀ ଧନଖଡ଼ଙ୍କୁ ଅଭିନନ୍ଦନ ଜଣାଇ ସଭାଗୃହକୁ ସୁରକ୍ଷା ଦେବାର ଭୂମିକା ଅନ୍ୟ ଦାୟିତ୍ୱ ଗୁଡ଼ିକ ଠାରୁ ଅଧିକ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି। ସେ କହିଛନ୍ତି ଯେ ଶ୍ରୀ ଧନଖଡ଼ ସଂସଦୀୟ କାର୍ଯ୍ୟଧାରା ବିଷୟରେ ଭଲ ଭାବେ ଅବଗତ ଅଛନ୍ତି। ଉପାଧ୍ୟକ୍ଷ ହରିବଂଶ କହିଛନ୍ତି, ଶ୍ରୀ ଧନଖଡ଼ଙ୍କର ଅଭିଜ୍ଞତା ସଭାକାର୍ଯ୍ୟକୁ ସୂଚାରୁ ରୂପେ ସଂପନ୍ନ କରିବାରେ ସାହାଯ୍ୟ କରିବ।

Comments are closed.