ସମାଜ ପୋର୍ଟାଲ ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, ଦେଶରେ ଗବେଷଣା ଓ ନବୀକରଣର ଏକ ଉତ୍ତମ ବାତାବରଣ ସୃଷ୍ଟି କରିବାକୁ ସରକାର ଅନେକ ପଦକ୍ଷେପ ଗ୍ରହଣ କରୁଛନ୍ତି। ଜାତୀୟ ବିଜ୍ଞାନ ଦିବସ ଅବସରରେ ଦେଇଥିବା ବାର୍ତ୍ତାରେ ସେ କହିଛନ୍ତି, ଭାରତୀୟ ବୈଜ୍ଞାନିକମାନଙ୍କର ପ୍ରତିଭା ଓ ଦକ୍ଷତାକୁ ଅଭିବାଦନ କରିବାକୁ ଏହା ହେଉଛି ପ୍ରକୃଷ୍ଟ ସମୟ। ସେ କହିଛନ୍ତି, ବୈଜ୍ଞାନିକମାନଙ୍କର ନୂଆ ନୂଆ ଉଦ୍ଭାବନ ପାଇଁ ଇଚ୍ଛା ଶକ୍ତି ଓ ଗବେଷଣାରୁ ଉଭୟ ଭାରତ ଓ ବିଶ୍ୱ ଉପକୃତ ହୋଇଛନ୍ତି। ଉପରାଷ୍ଟ୍ରପତି ଭେଙ୍କୟା ନାଇଡୁ ଜାତୀୟ ବିଜ୍ଞାନ ଦିବସ ଉପଲକ୍ଷେ ତାଙ୍କର ଅଭିନନ୍ଦନ ବାର୍ତ୍ତାରେ ବିଜ୍ଞାନ ଓ ବୈଷୟିକ ଜ୍ଞାନକୁ ଲୋକମାନଙ୍କର ଜୀବନକୁ ଅଧିକ ସୁଖମୟ କରିବା ପାଇଁ ବ୍ୟବହାର କରିବା ଲାଗି ବୈଜ୍ଞାନିକମାନଙ୍କୁ ଆହ୍ୱାନ ଦେଇଛନ୍ତି।
ଉପରାଷ୍ଟ୍ରପତି କହିଛନ୍ତି, ବୈଜ୍ଞାନିକମାନଙ୍କ ଦ୍ୱାରା ବହୁ ଗୁରୁତ୍ୱପୂର୍ଣ୍ଣ ଅବଦାନ ଯୋଗୁଁ ମାନବଜାତିର କଲ୍ୟାଣ ସମ୍ଭବ ହୋଇଛି। ଆଜି ଜାତୀୟ ବିଜ୍ଞାନ ଦିବସ ପାଳନ କରାଯାଇଛି। ରମଣ ଇଫେକ୍ଟର ଉଦ୍ଭାବନ ସ୍ମୃତିରେ ଏହାକୁ ପାଳନ କରାଯାଉଛି। ସାର୍ ସି.ଭି. ରମଣଙ୍କୁ ୧୯୩୦ ମସିହାରେ ଏଥିପାଇଁ ନୋବେଲ୍ ପୁରସ୍କାରରେ ସମ୍ମାନିତ କରାଯାଇଥିଲା।
Comments are closed.