ଆମେ ମୁଣ୍ଡ ନୁଆଁଇ, ହାତ ଯୋଡି ସବୁ ପ୍ରସଙ୍ଗରେ କୃଷକଙ୍କ ସହ ଆଲୋଚନା କରିବାକୁ ପ୍ରସ୍ତୁତ : ପ୍ରଧାନମନ୍ତ୍ରୀ ମୋଦୀ

ବିରୋଧୀଙ୍କ ଉପରେ ବର୍ଷିଲେ ମୋଦୀ

ନୂଆଦିଲ୍ଲୀ : କୃଷି ଆଇନକୁ ନେଇ ଦେଶରେ କ୍ରମାଗତ ୨୩ ଦିନ ଚାଷୀ ଆନ୍ଦୋଳନ ଜାରି ରହିଛି। ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟପ୍ରଦେଶର କୃଷକମାନଙ୍କୁ ଭିଡିଓ କନଫରେନ୍ସିଂ ମାଧ୍ୟମରେ ସମ୍ବୋଧିତ କରିଛନ୍ତି। ବିରୋଧୀ ଦଳକୁ ଟାର୍ଗେଟ କରି ସେ କହିଛନ୍ତି ଯେ ୨୫ ବର୍ଷ ପୂର୍ବେ ହେବାକୁ ଥିବା କାର୍ଯ୍ୟ ଆଜି କରିବାକୁ ପଡିଛି। ବର୍ଷ ବର୍ଷ ଧରି ପଡି ରହିଥିବା ଚାଷୀଙ୍କ ଦାବି ପୂରଣ ହୋଇଛି । ପ୍ରଧାନମନ୍ତ୍ରୀ କହିଛନ୍ତି ଯେ ଯେଉଁମାନଙ୍କର ରାଜାନୖତିକ ପୃଷ୍ଟଭୂମି ନଷ୍ଟ  ହୋଇଯାଇଛି, ସେମାନେ ଆଜି ଚାଷୀଙ୍କୁ ଭୟଭୀତ କରୁଛନ୍ତି । ସେ କହିଛନ୍ତି ଯେ ଆମେ ଚାଷୀଙ୍କୁ ଦେଢ ଗୁଣ ଏମଏସପି ଦେଇଛୁ। କଂଗ୍ରେସ ଦ୍ୱାରା ଋଣ ଛାଡ଼ ହେଉଛି ସବୁଠାରୁ ବଡ ଧୋକା। ଏହି ସୁବିଧା କଂଗ୍ରେସର ଘନିଷ୍ଠ ତଥା ସମ୍ପର୍କୀୟମାନଙ୍କୁ ଦିଆଯାଇଥିଲା। ପ୍ରଧାନମନ୍ତ୍ରୀ କହିଛନ୍ତି, ବିରୋଧୀ ଦଳ ଏଥିପାଇଁ ଦୁଃଖ ପ୍ରକାଶ କରିଛନ୍ତି ଯେ ମୋଦୀ କିପରି କୃଷି ଆଇନରେ ସଂସ୍କାର ନେଇ ଆସିଛନ୍ତି। ପ୍ରଧାନମନ୍ତ୍ରୀ  କହିଛନ୍ତି ଯେ ତୁମେ ଏଥିପାଇଁ ମୋତେ ଶ୍ରେୟ ଦିଅ ନାହିଁ, ମୁଁ କେବଳ ଚାଷୀଙ୍କ  ଭଳ ଚାହୁଁଚି। କୃଷକଙ୍କ କାନ୍ଧରେ ବନ୍ଧୁକ ରଖି ଚାଷୀଙ୍କୁ ଆକ୍ରମଣ କରାଯାଉଛି। ପ୍ରଧାନମନ୍ତ୍ରୀ କହିଛନ୍ତି ଯେ ଯଦି ତଥାପି କିଛି ଆଶଙ୍କା ରହିଛି, ତେବେ ଆମେ ମୁଣ୍ଡ ନୁଆଁଇ ପ୍ରତ୍ୟେକ ପ୍ରସଙ୍ଗରେ ଆଲୋଚନା କରିବାକୁ ପ୍ରସ୍ତୁତ।

ବିରୋଧୀଙ୍କୁ ଟାର୍ଗେଟ କଲେ ପ୍ରଧାନମନ୍ତ୍ରୀ ମୋଦୀ
ଯଦି ଦେଶର ସମସ୍ତ ରାଜନୈତିକ ଦଳର ପୁରୁଣା ଘୋଷଣାପତ୍ର ଆଜି ଦେଖାଯାଏ, ସେମାନଙ୍କର ପୁରୁଣା ବିବୃତ୍ତି ଶୁଣାଯାଏ, ଯେଉଁମାନେ ପୂର୍ବରୁ ଦେଶର କୃଷି ପ୍ରଣାଳୀ ପରିଚାଳନା କରୁଥିଲେ ସେମାନଙ୍କ ଚିଠି ପଢାଯାଏ, ତେବେ ଆଜି ହୋଇଥିବା କୃଷି ସଂସ୍କାର ସେମାନଙ୍କଠାରୁ ଭିନ୍ନ ନୁହେଁ।
ବାସ୍ତବରେ, ଦେଶର କୃଷକମାନେ ସେମାନଙ୍କ ନିର୍ବାଚନ ଇସ୍ତାହାରରେ ଏହି ସଂସ୍କାର ବିଷୟରେ ଲେଖୁଥିବା ଲୋକଙ୍କ ଠାରୁ ଉତ୍ତର ମାଗିବା ଉଚିତ୍, କିନ୍ତୁ ସେମାନେ କିଛି କରିନାହାଁନ୍ତି । କେବଳ ଏହି ଦାବିକୁ ଏଡ଼ାଇବାରେ ଲାଗିଲେ ଏବଂ ଦେଶର କୃଷକ ଅପେକ୍ଷା କରି ରହିଲେ।
ଦେଶର କୃଷକ, କୃଷକ ସଂଗଠନ, କୃଷି ବିଶେଷଜ୍ଞ, କୃଷି ଅର୍ଥନୀତିଜ୍ଞ, କୃଷି ବୈଜ୍ଞାନିକ, ଆମ ଦେଶର ପ୍ରଗତିଶୀଳ କୃଷକ ମାନେ ମଧ୍ୟ କ୍ରମାଗତ ଭାବରେ କୃଷି କ୍ଷେତ୍ରରେ ଉନ୍ନତି ଆଣିବାକୁ ଦାବି କରିଆସୁଛନ୍ତି ।

ସ୍ବାମୀନାଥନ୍ କମିଟିର ସୁପାରିଶକୁ ୮ ବର୍ଷ ଧରି ଚାପି ରଖାଯାଇଥିଲା

କୃଷକମାନଙ୍କ ପାଇଁ ଉତ୍ସର୍ଗୀକୃତ ଆମ ସରକାର କୃଷକମାନଙ୍କୁ ଅନ୍ନଦାତା ଭାବେ ବିବେଚନା କରନ୍ତି। ଆମେ ଗଦା ଗଦା ଫାଇଲ ଭିତରେ ଫିଙ୍ଗାଯାଇଥିବା ସ୍ବାମୀନାଥନ୍ କମିଟିର ରିପୋର୍ଟ ବାହାର କରି ଏହାର ସୁପାରିଶକୁ କାର୍ଯ୍ୟକାରୀ କଲୁ, କୃଷକ ମାନଙ୍କୁ ଦେଢ଼ ଗୁଣ ମୂଲ୍ୟରେ ଏମଏସପି ପ୍ରଦାନ କଲୁ।

କୃଷକମାନେ ଆନ୍ଦୋଳନ କରୁଥିଲେ, ବିରୋଧ କରୁଥିଲେ କିନ୍ତୁ ଏହି ଲୋକ ପାଣିକୁ ଗୋଡ ବଢାଇ ନଥିଲେ। ଏହି ଲୋକମାନେ ନିଶ୍ଚିତ କରିଛନ୍ତି ଯେ ସେମାନଙ୍କ ସରକାର ଚାଷୀଙ୍କ ପାଇଁ ଅଧିକ ଖର୍ଚ୍ଚ କରିବାକୁ ପଡିବ ନାହିଁ । ସେମାନଙ୍କ ପାଇଁ କୃଷକମାନେ ଦେଶର ଗର୍ବ ନୁହଁନ୍ତି, ସେମାନେ କୃଷକଙ୍କୁ ନିଜର ରାଜନୈତିକ ଲାଭ ବଢାଇବା ପାଇଁ ବ୍ୟବହାର କରିଛନ୍ତି।

କୃଷକମାନଙ୍କ ବିଷୟରେ କହୁଥିବା ଲୋକ କେତେ ନିର୍ଦ୍ଦୟ ତାହାର ଏକ ବଡ଼ ପ୍ରମାଣ ହେଉଛି  ସ୍ବାମୀନାଥନ୍ କମିଟି ରିପୋର୍ଟ। ରିପୋର୍ଟ ଆସିଲା, କିନ୍ତୁ ଏହି ଲୋକମାନେ ସ୍ବାମୀନାଥନ୍ କମିଟିର ସୁପାରିଶକୁ ୮ ବର୍ଷ ଧରି ଚାପି ରଖିଥିଲେ।

ରାତାରାତି ଆସି ନାହିଁ  କୃଷି ସଂସ୍କାର ନିୟମ

ମୋତେ ଲାଗୁଛି ସେମାନଙ୍କୁ ଏହି କଥା ପାଇଁ କଷ୍ଟ ହେଉନାହିଁ ଯେ କୃଷି ଆଇନରେ କାହିଁକି ସଂସ୍କାର ହେଲା, ଏଥିପାଇଁ କଷ୍ଟ ହେଉଛି ଯେ, ଯେଉଁ କଥା ଆମେ କହୁଥିଲୁ କିନ୍ତୁ କରି ପାରିଲୁ ନାହିଁ,  ମୋଦୀ କିପରି କରିଦେଲେ, ମୋଦୀ କହିଁକି କଲେ।

ପ୍ରତ୍ୟେକ ନିର୍ବାଚନ ପୂର୍ବରୁ, ଏହି ଲୋକମାନେ ଋଣ ଛାଡ ବିଷୟରେ ଆଲୋଚନା କରନ୍ତି ଆଉ ଋଣ ଛାଡ କେତେ ? ସମସ୍ତ କୃଷକ ଏହା ଅଧିନକୁ  ଆସୁଛନ୍ତି କି ? ଛୋଟ ଚାଷୀ ଯିଏ ବ୍ୟାଙ୍କକୁ ଯାଇ ନଥିଲେ, ଯେର୍ଉମାନେ ଋଣ ନେଇ ନଥିଲେ ?  ସେମାନଙ୍କ ବିଷୟ​‌ରେ ଏହି ଲୋକମାନେ କେବେ ଚିନ୍ତା କରିଛନ୍ତି କି ?

ବିଗତ ଦିନରେ ଦେଶର କୃଷକମାନଙ୍କ ପାଇଁ ପ୍ରସ୍ତୁତ ନୂତନ ନିୟମ ବିଷୟରେ ଅନେକ ଆଲୋଚନା ହୋଇଛି । ଏହି କୃଷି ସଂସ୍କାର ଆଇନ ଗୁଡ଼ିକ ରାତାରାତି ଆସି ନାହିଁ। ଗତ ୨୦-୨୨ ବର୍ଷ ଧରି ପ୍ରତ୍ୟେକ ସରକାର ଏହା ଉପରେ ବ୍ୟାପକ ଆଲୋଚନା କରିଛନ୍ତି । ଅନ୍ତତଃ  ପକ୍ଷେ ଅନେକ ସଂସ୍ଥା ଏ ବିଷୟରେ ଆଲୋଚନା କରିଛନ୍ତି ।

 

Comments
Loading...