ରାଜୀବ ଗାନ୍ଧୀ ଖେଳ ରତ୍ନ ପୁରସ୍କାର ପାଇଁ ରୋହିତ ଶର୍ମା ମନୋନୀତ
- ଅର୍ଜୁନ ପୁରସ୍କାର ପାଇଁ ଶିଖର ଧୱନ, ଇଶାନ୍ତ ଶର୍ମା ଓ ଦୀପ୍ତି ଶର୍ମା ମନୋନୀତ
ସମାଜ ପୋର୍ଟାଲ ଡେସ୍କ: କ୍ରିକେଟ୍ କଣ୍ଟ୍ରୋଲ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) ଆଜି କ୍ରିକେଟର ରୋହିତ ଶର୍ମାଙ୍କୁ ଚଳିତ ବର୍ଷ ରାଜୀବ ଗାନ୍ଧୀ ଖେଲ ରତ୍ନ ପୁରସ୍କାର ୨୦୨୦ ପାଇଁ ମନୋନୀତ କରିଛି। ସେହିପରି ବିସିସିଆଇ ଇଶାନ୍ତ ଶର୍ମା, ଶିଖର ଧୱନ ଏବଂ ଦୀପ୍ତି ଶର୍ମାଙ୍କୁ ଅର୍ଜୁନ ପୁରସ୍କାର ପାଇଁ ମନୋନୀତ କରିଛି। ଆଇସିସି ଦିନିକିଆରେ କ୍ରିକେଟର ଅଫ୍ ଦି ଇୟର ଭାବେ ମନୋନୀତ ଏବଂ ଭାରତର ଉପ-ଅଧିନାୟକ ହିଟ୍ ମ୍ୟାନ୍ ରୋହିତ ଶର୍ମା ହେଉଛନ୍ତି ପ୍ରଥମ ବ୍ୟାଟ୍ସମ୍ୟାନ୍ ଯିଏକି ଟି-୨୦ରେ ଚାରିଟି ଶତକ ହାସଲ କରିଛନ୍ତି।
ବିସିସିଆଇ କହିଛି ଯେ, ରୋହିତ ଶର୍ମା ଜଣେ ବ୍ୟାଟ୍ସମ୍ୟାନ୍ ଭାବରେ ଛୋଟ ଫର୍ମାଟ ମ୍ୟାଚରେ ଅତୁଳନୀୟ ସ୍କୋର ହାସଲ କରିଛନ୍ତି। ଖେଳ ପ୍ରତି ତାଙ୍କର ପ୍ରତିବଦ୍ଧତା, ଆଚରଣ, ସ୍ଥିରତା ଏବଂ ନେତୃତ୍ୱପୂର୍ଣ୍ଣ ଦକ୍ଷତା ପାଇଁ ସେ ସମ୍ମାନଜନକ ଖେଳ ରତ୍ନ ପୁରସ୍କାର ପାଇବାକୁ ଯୋଗ୍ୟ ବୋଲି ବିସିସିଆଇ ସଭାପତି ସୌରଭ ଗାଙ୍ଗୁଲି କହିଛନ୍ତି। ସୌରଭ କହିଛନ୍ତି ଯେ, ଇଶାନ୍ତ ଶର୍ମାଙ୍କ ଭାରତୀୟ ଦଳ ପାଇଁ ଦୀର୍ଘ ସମୟର ଅବଦାନ ଗୁରୁତ୍ୱପୂର୍ଣ୍ଣ ଅଟେ ଓ ସେଥିପାଇଁ ସେ ଅର୍ଜୁନ ପୁରସ୍କାର ପାଇଁ ହକଦାର। ସେହିପରି ଶିଖର ଧୱନଙ୍କୁ ଦ୍ରୁତତମ ସ୍କୋର ହାସଲ ଓ ଦୀପ୍ତି ଶର୍ମାଙ୍କୁ ସର୍ବାଧିକ ବ୍ୟକ୍ତିଗତ ସ୍କୋର ପାଇଁ ମନୋନୀତ କରାଯାଇଥିବା ବିସିସିଆଇ କହିଛି।
JUST IN : The BCCI nominates Mr @ImRo45 for the prestigious Rajiv Gandhi Khel Ratna Award 2020 while Mr @ImIshant, Mr @SDhawan25 and Ms @Deepti_Sharma06 have been nominated for Arjuna Awards.
More details here – https://t.co/s0n0LfvyfF pic.twitter.com/deDRBGVBRv
— BCCI (@BCCI) May 30, 2020
Comments are closed.