ଜୈବିକ ଖତ ଓ ଜଳ ପରିଚାଳନା ପ୍ରଦର୍ଶନ

ପିପିଲି:ଭାରତ ସରକାରଙ୍କ ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରଣାଳୟ ଦ୍ୱାରା ପରିଚାଳିତ ପୁରୀର ଜନ ଶିକ୍ଷଣ ସଂସ୍ଥାନ ପକ୍ଷରୁ ସମସ୍ତଙ୍କ ନିକଟରେ ସ୍ୱଚ୍ଛତାର ବାର୍ତ୍ତା ପହଞ୍ଚାଇବା ଲକ୍ଷ୍ୟରେ ପାଳନ କରାଯାଉଥିବା ସ୍ୱଚ୍ଛତା ପକ୍ଷ ଅବସରରେ ପିପିଲି ବ୍ଳକର ଭାରତୀପୁର ଠାରେ ‘ଜୈବିକ ଖତ ଓ ଜଳ ପରିଚାଳନା ପ୍ରଦର୍ଶନ’ ଅନୁଷ୍ଠିତ ହୋଇଯାଇଛି।

ଏହି ଅବସରରେ ଜନ ଶିକ୍ଷଣ ସଂସ୍ଥାନର ନିର୍ଦ୍ଦେଶକ ଜ୍ଞାନ ବିକାଶ ଗଜେନ୍ଦ୍ରଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଅତିଥି ଭାବେ ହୋମିଓପ୍ୟାଥିକ ଚିକିତ୍ସକ ବିହାରୀ ଚରଣ ଦାସ ଓ ପ୍ରଶିକ୍ଷକ ଜ୍ୟୋତି ପ୍ରକାଶ ନନ୍ଦ ଯୋଗଦେଇ ପ୍ରଶିକ୍ଷାର୍ଥୀମାନଙ୍କୁ ଜୈବିକ ଖତ ଓ ଜଳ ସୁପରିଚାଳନା ସଂପର୍କରେ ଆଲୋକପାତ କରିଥିଲେ। କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ସଂପର୍କରେ ସଂସ୍ଥାନର ନିର୍ଦ୍ଦେଶକ ଶ୍ରୀଗଜେନ୍ଦ୍ର ସୂଚନା ଦେବା ସହ ଏଥିରୁ କିପରି ସମସ୍ତେ ସୁବିଧା ଓ ସୁଯୋଗ ହାସଲ କରିପାରିବେ ସେ ସଂପର୍କରେ ଆଲୋକପାତ କରିଥିଲେ। ସଂସ୍ଥାନର ସହ-କାର୍ଯ୍ୟକ୍ରମ ଅଧିକାରୀ ପଦ୍ମଚରଣ ସେଠୀ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ଶେଷରେ ଶ୍ରୀଧର କୁମାର ଦାସ ଧନ୍ୟବାଦ ଅର୍ପଣ କରିଥିଲେ।

Comments are closed.