MEllora 950×100

ଧମାଲ କଲା ଫୁଲବାଣୀର ଲୋକ ନୃତ୍ୟ

ଫୁଲବାଣୀ: ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣା କଟକ ମିନି ଷ୍ଟାଡିୟମ ଠାରେ ଚଳିତ ବର୍ଷ ଦୀର୍ଘ ୬ଦିନ ଧରି ଅନୁଷ୍ଠିତ ହୋଇଆସୁଥିବା ଦ୍ଵିତୀୟ ମା’  ଭୈରବୀ  ମହୋତ୍ସବ ରବିବାର ଦିନ ଉଦଯାପିତ  ହୋଇଯାଇଛି । ମହୋତ୍ସବ କମିଟିର ସଭାପତି ଅଶୋକ କୁମାର ଅଗ୍ରୱାଲ ୨ଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ଏହି ମହୋତ୍ସବରେ ଅତିଥିମାନେ ଯୋଗଦେଇ ଉତ୍ସାହିତ କରିଥିଲେ । ପ୍ରତ୍ୟେକ ଦିନ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ  ଆୟୋଜନ କରାଯାଉଥିବା ବେଳେ ପଞ୍ଚମ ଦିନରେ ସବୁଠାରୁ ମୁଖ୍ୟ ଆକର୍ଷଣ ଥିଲା ଫୁଲବାଣୀ କ୍ଲବ ୨ ପକ୍ଷରୁ ଆୟୋଜିତ ଆଦିବାସୀ ଲୋକ ନୃତ୍ୟ ।

କ୍ଳବର ସଭାପତି ଅଜୟ କୁମାର ସିଂ ଓ ସମ୍ପାଦକ ରଜତ ମହାନ୍ତିଙ୍କ ନେତୃତ୍ୱରେ ୨ ଯାଇଥିବା ଲୋକନୃତ୍ୟ ଦଳ ମଞ୍ଚଳରେ ଧମାଲ କରିଥିଲେ । ପରିବେଷିତ ହୋଇଥିବା ଲୋକ ନୃତ୍ୟ ଯାହାକି ଦର୍ଶକଙ୍କ ମନ ମୋହିବା ସହିତ ହଜାର ହଜାର ଦର୍ଶକ ନୃତ୍ୟର ତାଳେ ତାଳେ ଆପଣାଛାଏଁ ନୃତ୍ୟ କରୁଥିବାର ଦେଖିବାକୁ ମିଳିଥିଲା । ଶେଷରେ ଫୁଲବାଣୀ ଲୋକନୃତ୍ୟକୁ ମୁଖ୍ୟ ଅତିଥିଙ୍କ ଦ୍ୱାରା ସମ୍ବର୍ଦ୍ଧିତ କରାଯାଇଥିଲା । ଦୁଇ ବର୍ଷ ହେଲା କରୋନା ମହାମାରୀ ପାଇଁ ମହୋତ୍ସବ ବନ୍ଦ ରହିଥିବା ବେଳେ ଚଳିତ ବର୍ଷ ମହୋତ୍ସବର ପ୍ରଥମରୁ ଶେଷ ପର‌୍ୟ୍ୟନ୍ତ ୬ଦିନ ଧରି ଶୀତୁଆ ସନ୍ଧ୍ୟାରେ ମୀନା ବଜାର, ପଲ୍ଲୀଶ୍ରୀ ମେଳା ଓ ବିଭିନ୍ନ ସୁସ୍ବାଦୁ ଖାଦ୍ୟର ଷ୍ଟଲ୍ ଗୁଡିକରେ ଦର୍ଶକଙ୍କ ଭିଡ଼ ପରିଲକ୍ଷିତ ହୋଇଥିଲା ।

Comments are closed.