MEllora 950×100

ଧୁମଧାମରେ ପାଳିତ ହେଲା କୁରାଳ ପଞ୍ଚମୀ

ଫୁଲବାଣୀ:ପୂର୍ବ ପଞ୍ଚକୋଶ କୁମ୍ଭ କାର ସମାଜ ତରଫରୁ ଗତ ତିନି ଦିନ ଧରି କେଳାପଡ଼ା କୁମ୍ଭ କାର ସମାଜ ଗୃହରେ ଧୁମ୍ ଧାମରେ କୁରାଳ ପଞ୍ଚମୀ ପାଳିତ ହେଉଛି । ପ୍ରଥମ ଦିନ ଠାରୁ କେଳା ପଡ଼ା , ଗେରୁପଡ଼ା , ବଇରିକୁମ୍ପା, ବଳରାମ ପୁର୍, ବରପଡା, ଲେଣ୍ଡ୍ରି ଗାଁ , ସାଡୀଙ୍ଗିଆ, କଟାପାଙ୍ଗା, ବଡ଼ ଗାଁ, ଡାଉ ଗାଁ, ଅଣ୍ଡାର ଗାଁ, କାଦୁ ପଦର, ବନ୍ଧଗଡ, ସାସି ପଦର, ଗୋଚ୍ଛା ପଡ଼ା, କୁମ୍ଭାର ଖୋଲ, ବଲଣ୍ଡା ପଡ଼ା, ଟେଲ୍ଲା ପାଲି, ଦିଣ୍ଡି ରା ଗାଁ ଭଳି ଅନେକ ଗାଁରୁ କୁମ୍ଭାର କୁଳ ସମାଜର ମା, ଭଉଣୀ ଓ ସମାଜବାସୀ ଯୋଗ ଦେଇଥିଲେ ।

ପ୍ରଥମ ଦିନରେ ସମାଜ ଗୃହ ଠାରୁ କେଳା ପଡ଼ା ନାଳ ପର୍ଯ୍ୟନ୍ତ ଯିବା ସହ ଧୁମଧାମରେ ଖୋଳ, କୀର୍ତ୍ତନର ତାଳେ ତାଳେ ଜଳ କଳସୀ ଅଣାଯାଇ ପୂଜା ସ୍ଥାନରେ ସ୍ଥାପନ କରାଯାଇଥିଲା । ଏହି କୁରାଳ ପଞ୍ଚମୀ କୁମ୍ଭ କାର ସମାଜର ମୁଖ୍ୟ ପୂଜା ହୋଇଥିବା ବେଳେ ଆନନ୍ଦ ଉଲ୍ଲାସର ସହ ପାଳିତ ହେଉଛି । କାର୍ଯ୍ୟକ୍ରମରେ ପୂର୍ବ ପଞ୍ଚକୋଶ କୁମ୍ଭ କାର ସମାଜ ତରଫରୁ ସଭାପତି ରତ୍ନମଣି ବେହେରା, ସମ୍ପାଦକ ଅରୁଣ ରଣା, କୋଷାଧ୍ୟକ୍ଷ ପ୍ରଭାତ ବେହେରା, ପୂର୍ବତନ କେନ୍ଦ୍ର ସଭାପତି ବିସ୍କେସନ୍ ବେହେରା, କେନ୍ଦ୍ରୀୟ ଉପ ସଭାପତି କର୍ଣ୍ଣ ରଣା, ରବି ରଣା ଉପସ୍ଥିତ ଥିବା ବେଳେ ବଟ କୃଷ୍ଣ ରଣା, ମହେଶ୍ୱର ରଣା ରବି ବେହେରା ଓ କୁଳ ସମାଜର ଅନ୍ୟାନ୍ୟ ସଦସ୍ୟ ଉପସ୍ଥିତ ଥିଲେ । କୁଳ ଅଧିକାରୀ ମାନଙ୍କ ସହ ପରିଚାଳନା କମିଟିର ସଦସ୍ୟ ମାନେ ସମସ୍ତ କାର୍ଯ୍ୟ ପରିଚାଳନା ଦାୟିତ୍ଵ ତୁଲାଇ ଥିଲେ ।

Comments are closed.