MEllora 950×100

ପ୍ରଧାନମନ୍ତ୍ରୀ ଆବାସ ଯୋଜନାର ସମାଜିକ ସମୀକ୍ଷା ଓ ଜନଶୁଣାଣୀ

ବୌଦ୍ଧ  : ବୌଦ୍ଧଗଡ ବିଜ୍ଞାପିତ ଅଞ୍ଚଳ ପରିଷଦ ଅଞ୍ଚଳରେ ୨୦୨୦-୨୧ ଆର୍ଥିକ ବର୍ଷରେ କାର୍ଯ୍ୟକାରୀ ହୋଇଥିବା ପ୍ରଧାନମନ୍ତ୍ରୀ ଆବାସ ଯୋଜନା (ସମସ୍ତଙ୍କ ପାଇଁ ଗୃହ)ର ସାମାଜିକ ସୁରକ୍ଷା କାର୍ଯ୍ୟକ୍ରମ ଗତ ଦୁଇ ଦିନ ଧରି ଅନୁଷ୍ଠିତ ହୋଇଅଛି । ପ୍ରଥମ ଦିନ ହିତାଧିକାରୀଙ୍କ କର୍ମଶାଳା ସ୍ଥାନୀୟ କଲ୍ୟାଣ ମଣ୍ଡପ ଠାରେ ପରିଷଦର ଅଧ୍ୟକ୍ଷ ମୃତ୍ୟୁଞ୍ଜୟ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଛି। ଏଥିରେ ପରିଷଦର କାର୍ଯ୍ୟନିର୍ବାହୀ ଅଧିକାରୀ ଇଂ ମନୋରଞ୍ଜନ ପଣ୍ଡା ଯୋଗଦେଇ ଯୋଜନାର କାର୍ଯ୍ୟକାରିତା ଉପରେ ଆଲୋକପାତ କରିଥିଲେ। ଏହି କର୍ମଶାଳାରେ ବିଭିନ୍ନ ବର୍ଗର ହିତାଧିକାରୀମାନଙ୍କୁ ନେଇ ଏକ ସମୀକ୍ଷା କମିଟି ଏବଂ ସେମାନଙ୍କ ମଧ୍ୟରୁ ପାଞ୍ଚଗୋଟି ଉପ କମିଟି ଗଠନ କରାଯାଇ ଉପକମିଟି ମାଧ୍ୟମରେ ସମୀକ୍ଷା କରାଯାଇଥିଲା। ଦ୍ୱିତୀୟ ଦିବସରେ ଓ୍ୱାର୍ଡ ନଂ-୦୧ ପରିଚୟ ଗୃହ ଠାରେ ଜନଶୁଣାଣୀ କାର୍ଯ୍ୟକ୍ରମ କରାଯାଇଥିଲା। ଜନଶୁଣାଣୀ କାର୍ଯ୍ୟକ୍ରମରେ ସି.ଏଲ୍.ଟି.ସି ସଦସ୍ୟ ଜଗମୋହନ ମହାରଣା ସମସ୍ତଙ୍କ ପାଇଁ ଗୃହ ଯୋଜନା ସଂପର୍କିତ ଅନେକ ସମସ୍ୟା ଓ ସମାଧାନ କରିଥିଲେ। ଦୁଇ ଦିନର ସମୀକ୍ଷା କାର୍ଯ୍ୟକ୍ରମକୁ ସ୍ୱାଧୀନ ସୁବିଧାକାରୀ ସଂସ୍ଥା ଲାଇଫ୍ ଏକାଡେମୀ ଅଫ୍ ଭୋକେସନାଲ ଷ୍ଟଡିଜ୍ (ଲାଭସ୍)ର ବିଶେଷଜ୍ଞ ପ୍ରେମାନନ୍ଦ ବେଉରା ପରିଚାଳନା କରିଥିଲେ।

Comments are closed.