ଗାଆଁକୁ ରାସ୍ତା କରିଦେବା ପାଇଁ ୩ କିଲୋମିଟର ଚାଲିଲେ ପାଟଣା ବିଧାୟକ

ପାଟଣା: ପାଟଣା ବ୍ଲକ ବାଉଁସୁଳି ପଞ୍ଚାୟତ ଭୁଲୁଦା ରାଜସ୍ବ ଗ୍ରାମର ଭାଲୁଘର ସାହି ନିକଟରୁ ଜଙ୍ଗଲ ରାସ୍ତାରେ ମାତ୍ର ତିନି କିଲୋମିଟର ରାସ୍ତା ନିର୍ମାଣ କରାଗଲେ ଏହି ରାସ୍ତା ପୁଟଳ ନିକଟରେ ୪୯ ନମ୍ବର ଜାତୀୟ ରାଜପଥ ସହ ଯୋଗାଯୋଗ ସମ୍ଭବ ହେବ। ଦୀର୍ଘ ବର୍ଷ ହେଲା ଭୁଲୁଦା ଗ୍ରାମ ବାସୀ ଏହି ନୂତନ ରାସ୍ତା ନିର୍ମାଣ ପାଇଁ ଦାବି କରି ଆସୁଥିବା ବେଳେ ସେମାନଙ୍କ ସ୍ବପ୍ନ ପୂରଣ ହେବାକୁ ଯାଉଛି।

ଗ୍ରାମବାସୀଙ୍କ ସହ ଆଜି ପାଟଣା ବିଧାୟକ ଜଗନ୍ନାଥ ନାଏକ, ବ୍ଲକ ଅଧ୍ୟକ୍ଷ ବିଶ୍ଵନାଥ ନାୟକ, ବିଡ଼ିଓ ଈଶ୍ୱର ଚନ୍ଦ୍ର ନାଏକ, ସହକାରୀ ନିର୍ବାହୀ ଯନ୍ତ୍ରୀ ଇଂ ପୁରୁଷୋତ୍ତମ ସାହୁ, କେନ୍ଦେଇପଶି ସମିତି ସଭ୍ୟ ମିତ୍ରଭାନୁ ମହାନ୍ତ ପ୍ରମୁଖ ଭାଲୁଘର ସାହି ଠାରୁ ଜଙ୍ଗଲ ରାସ୍ତାରେ ପୁଟଳ ପର୍ଯ୍ୟନ୍ତ ତିନି କିଲୋମିଟର ପାଦରେ ଚାଲି ଚାଲି ଯାଇ ରାସ୍ତା ନିର୍ମାଣ ଆବଶ୍ୟକତା ଅନୁଧ୍ୟାନ ସହ ଖୁବ୍ ଶୀଘ୍ର ଏହି ରାସ୍ତା ନିର୍ମାଣ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି। ଏହି ରାସ୍ତା ନିର୍ମାଣ ହେଲେ ଅଞ୍ଚଳ ବାସୀଙ୍କର ସଦର ବ୍ଲକର ଶଙ୍କିରି ପଞ୍ଚାୟତ ସହ ଅନ୍ୟ ଅଞ୍ଚଳ କୁ ଉତ୍ତମ ଯୋଗାଯୋଗ ହୋଇପାରିବ ବୋଲି ଗ୍ରାମବାସୀ ମତ ରଖିଛନ୍ତି।

Comments
Loading...