ପାଟଣା: ପାଟଣା ବ୍ଲକ ଅନ୍ତର୍ଗତ ବାଉଁଶୁଳି ପଞ୍ଚାୟତ ହୀରାପଶି ଗ୍ରାମର ଘୁଣ୍ଟିଆ ସାହିରୁ ଝଲରା ଛକ ରାସ୍ତାର ଉନ୍ନତିକରଣ ପାଇଁ ମନରେଗା ଯୋଜନାରେ ୧୦ ଲକ୍ଷ ଟଙ୍କା ବ୍ୟୟରେ ରାସ୍ତା କାମ କରାଯାଇଥିବା ବେଳେ ନିମ୍ନ ମାନର କାମ କରାଯାଇ ସରକାରୀ ଅର୍ଥ ଚଳୁ କରାଯାଇଥିବା ଅଭିଯୋଗ ହୋଇଛି। କେବଳ କିଛି ମାଟି ରାସ୍ତାରେ ପକାଇ ଦିଆଯିବା ପରେ ଏହି ରାସ୍ତା କାଦୁଅ ପଚ ପଚ ହୋଇ ଯାଇଛି। ଯାହା ଫଳରେ ଏହି ରାସ୍ତା ଉପରେ ବେଲଦା,ଭାଲୁଘର ,ପୋଡ଼ାସିମଳା ଆଦି ଗ୍ରାମ ସହ ଅନ୍ୟାନ୍ୟ ଗ୍ରାମକୁ ଯାତାୟାତ କରିବା ସମୟରେ ଯାନବାହାନ ହେଉ ଅଥବା ପାଦରେ ଯିବା ମଧ୍ୟ କଷ୍ଟକର ହୋଇପଡୁଛି।
ଏହି ରାସ୍ତା ଦେଇ ପାଖ ହେଉଥିବାରୁ ଲୋକେ ୪୯ ନଂ ଜାତୀୟ ରାଜପଥ କୁ ଆସିଥାନ୍ତି। ରାସ୍ତାର ଶୋଚନୀୟ ଅବସ୍ଥା ପାଇଁ ଲୋକେ ବ୍ଲକ ପ୍ରଶାସନ କୁ ଦାୟୀ କରୁଛନ୍ତି। ରାସ୍ତା ପାଇଁ ୧୦ ଲକ୍ଷ ଟଙ୍କାର ଅନୁଦାନ ଥିଲେ ମଧ୍ୟ ଅଳ୍ପ କିଛି ମାଟି ପକାଇ ଦିଆଯିବା ପଛରେ କାହାର ସ୍ବାର୍ଥ ରହିଛି ତାହାର ତଦନ୍ତ ସହ ଘୁଣ୍ଟିଆ ସାହିବାସୀଙ୍କୁ ନ୍ୟାୟ ଦେବାକୁ ମତ ପ୍ରକାଶ ପାଇଛି।
Comments are closed.