୧୦୨ ପରିବାରକୁ ଖାଦ୍ୟ ସାମଗ୍ରୀ ବ୍ୟାଗ ବାଣ୍ଟିଲେ ପାଟଣା ବିଧାୟକ

ପାଟଣା: ବୁଢ଼ିକାପୁଡି ପଞ୍ଚାୟତ ନେଉଳିପଶି ଗ୍ରାମରେ ବସବାସ କରୁଥିବା ଗରିବ, ଅଭାବୀ, ଶ୍ରମଜୀବୀ ଓ ଦିବ୍ୟାଙ୍ଗ ପରିବାରକୁ ଆଜି ପାଟଣା ବିଧାୟକ ଜଗନ୍ନାଥ ନାଏକଙ୍କ ଦ୍ବାରା ୧୦୨ ପରିବାରକୁ ଖାଦ୍ୟ ସାମଗ୍ରୀ ବ୍ୟାଗ ବଣ୍ଟନ କରାଯାଇଛି। ଏହି ବ୍ୟାଗରେ ଚାଉଳ, ଆଳୁ, ତେଲ, ପିଆଜ ଇତ୍ୟାଦି ରହିଛି। ପାଟଣାବ୍ଲକ ବୁଢ଼ିକାପୁଡି ପଞ୍ଚାୟତ ଅନ୍ତର୍ଗତ ନେଉଳିପଶି ଗ୍ରାମରେ ଏହି କାର୍ଯ୍ୟକ୍ରମରେ ବୁଢ଼ିକାପୁଡି ସରପଞ୍ଚ ଯଦୁମଣି ନାଏକ ଓ ସମିତି ସଭ୍ୟ ଡମ୍ବୁରୁଧର ମହାନ୍ତଙ୍କ ସଂଯୋଜନାରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟଅତିଥି ଭାବେ ପାଟଣା ବିଧାୟକ ଜଗନ୍ନାଥ ନାଏକ ଯୋଗ ଦେଇଥିଲେ। ସମ୍ମାନିତ ଅତିଥି ପାଟଣା ବ୍ଲକ ଅଧ୍ୟକ୍ଷ ବିଶ୍ଵନାଥ ନାୟକ, କେନ୍ଦେଇପଶି ସଭ୍ୟ ମିତ୍ରଭାନୁ ମହାନ୍ତ, ଦଳୀୟ ନେତା କାନ୍ତା ମନକା ସିଂହ, ଯଶୋବନ୍ତ ବାରିକ, ରାମ ଚନ୍ଦ୍ର ସାହୁ, ସୁରେନ୍ କୁମାର ମହାନ୍ତ, ଟଙ୍ଗଧର ନାଏକ, ବୈଷ୍ଣବ ମହାନ୍ତ, ସନୁ ମହାନ୍ତ, ପ୍ରହ୍ଲାଦ ମହାନ୍ତ, ସୁଷେଣ ନାଏକ, ଛତିଶ ମହାନ୍ତ ପ୍ରମୁଖ ଉପସ୍ଥିତ ରହି ୧୦୨ ପରିବାରକୁ ଖାଦ୍ୟ ସାମଗ୍ରୀ ବଣ୍ଟନ କରାଯାଇଥିଲା।

Comments
Loading...