ଭଙ୍ଗା ପୋଲ ପାଇଁ ନାହିଁ ନଥିବା ସମସ୍ୟାରେ ବଣମହୁଲଡିହା ଗ୍ରାମବାସୀ

ପାଟଣା: ପାଟଣା ବ୍ଲକ ଅନ୍ତର୍ଗତ ଡୁମୁରିଆ ପଞ୍ଚାୟତ ତଣ୍ଡ ବଣମହୁଲାଡ଼ିହା ରାସ୍ତାର ଦିଲକି ସାହି ନିକଟରେ ଭାଙ୍ଗିଯାଇଥିବା ପୋଲଟିକୁ ଦେଢ଼ ବର୍ଷ ହେଲା ବନବିଭାଗ ନିର୍ମାଣ କରୁନଥିବାରୁ ବଣମହୁଲଡିହା ଗ୍ରାମବାସୀଙ୍କୁ ନାହିଁ ନଥିବା ଅସୁବିଧାର ସମ୍ମୁଖୀନ ହେବାକୁ ପଡୁଛି। ପୋଲ ଭାଙ୍ଗିଥିବା କାରଣରୁ ଗ୍ରାମକୁ ରୋଗୀଯାନ ଠାରୁ ଆରମ୍ଭ କରି ସାଧାରଣ ଯାତ୍ରୀବାହୀ ଅଟୋ ଟିଏ ନେବା ମଧ୍ୟ ସମ୍ଭବପର ହେଉନାହିଁ। ଗତ ବର୍ଷ ଏହି ପୋଲଟିକୁ ନିର୍ମାଣ କରିବା ପାଇଁ ବନବିଭାଗ ପକ୍ଷରୁ ମେଣ୍ଟାଲ ଚିପ୍ସ ପକାଯାଇଥିଲା। ତେବେ ପୋଲ କାମ ନକରି ତତ୍କାଳୀନ ବନପାଳ ମେଣ୍ଟାଲ ଚିପ୍ସ ଉଠାଇ ଅନ୍ୟତ୍ର କୁଆଡେ ନେଇଯିବା ପରେ ପୋଲକାମ ହୋଇପାରିନାହିଁ।

ନିକଟରେ ଜଣେ ଗର୍ଭବତୀ ଙ୍କୁ ଆଣିବା ପାଇଁ ଗ୍ରାମକୁ ଯାଇଥିବା ଜନନୀ ରୋଗୀ ଯାନ ପୋଲ ନିକଟରେ ଅଟକି ରହିବା ପରେ ଗ୍ରାମରୁ ଦୁଇ କିଲୋମିଟର ଗର୍ଭବତୀଙ୍କୁ ରୋଗୀ ଯାନ ନିକଟକୁ ଚଳାଇ ଚଳାଇ ଅଣାଯିବା ଖବର ଅଞ୍ଚଳରେ ଚର୍ଚ୍ଚାର ପ୍ରସଙ୍ଗ ହୋଇଥିଲା। ଦଲକି ସାହି ପୋଲଟିକୁ ମରାମତି ଅଥବା ପୁନଃ ନିର୍ମାଣ କରିବା ପାଇଁ ବନବିଭାଗ ଅଥବା ବ୍ଲକ ପ୍ରଶାସନ ପଦକ୍ଷେପ ନନେଲେ ପଞ୍ଚାୟତ କାର୍ଯ୍ୟଳୟ ଘେରାଉ କରିବେ ବୋଲି ଦଳକି ସାହିବାସୀ ଚେତାବନୀ ଦେଇଛନ୍ତି।

Comments
Loading...