ନିଶାରେ ପ୍ରାଣୀଧନ ନିରୀକ୍ଷକ, କାର୍ଯ୍ୟାଳୟରେ ମଦ ବୋତଲ

ପାଟଣା: ପାଟଣା ଥାନା ଅନ୍ତର୍ଗତ ସାହାରପଡା ସ୍ଥିତ ପଶୁ ପାଳନ ଓ ପ୍ରାଣୀ ଚିକିତ୍ସା ବିଭାଗ କାର୍ଯ୍ୟଳୟର ପ୍ରାଣୀ ଧନ ନିରୀକ୍ଷକ ଅଜୟ କୁମାର ପାତ୍ର ଆଜି ନିଜ କାର୍ଯ୍ୟାଳୟରେ ମଦ ପିଇ ନିଶାସକ୍ତ ଅବସ୍ଥାରେ ଥିବା ଦେଖାଯାଇଛି। ଏପରିକି ତାଙ୍କ କାର୍ଯ୍ୟଳୟରେ ଖାଲି ମଦ ବୋତଲ ସାଙ୍ଗକୁ ଥଣ୍ଡା ପାନୀୟ ବୋତଲ ଦେଖାଯାଇଥିବା ବେଳେ ଜନୈକ ବ୍ୟକ୍ତି ତାଙ୍କୁ ଏସଂପର୍କରେ ପ୍ରଶ୍ନ କରିବାରୁ ସେ ସଠିକ୍ ଭାବେ ଉତ୍ତର ରଖି ପାରୁନଥିବା ଘଟଣା ଚର୍ଚ୍ଚାର ପ୍ରସଙ୍ଗ ହୋଇଛି। ପ୍ରାଣୀଧନ ନିରୀକ୍ଷକଙ୍କ ଦାୟିତ୍ଵହୀନତାରୁ କାର୍ଯ୍ୟାଳୟ ଓ କାର୍ଯ୍ୟାଳୟ ବାହାର ଅପରିଷ୍କାର ହୋଇ ପଡ଼ି ରହିଥିବା ବେଳେ ଏହା ଏକ ସରକାରୀ କାର୍ଯ୍ୟାଳୟ ଭଳି ଲାଗୁନାହିଁ। ଜଣେ କର୍ତବ୍ୟରତ ଅଧିକାରୀ କାର୍ଯ୍ୟାଳୟରେ ମଦ ପିଇ ଅସଜଡ଼ା ଅବସ୍ଥାରେ ଶୋଇବା ଓ ଲୋକମାନଙ୍କୁ ସେବା ଯୋଗାଇବାରେ ବାରମ୍ବାର ଅବହେଳା ଅଭିଯୋଗ ଥିବାରୁ ଉପରିସ୍ଥ ଅଧିକାରୀ ସମସ୍ୟା ପ୍ରତି ନଜର ଦେବାକୁ ମତ ପ୍ରକାଶ ପାଇଛି।

Comments
Loading...