ଡେସ୍କ: କୋଲକାତାର ଏକ ସେସନ୍ସ କୋର୍ଟ ପଶ୍ଚିମବଙ୍ଗର ପୂର୍ବତନ ମନ୍ତ୍ରୀ ପାର୍ଥ ଚାଟାର୍ଜୀ ଓ ତାଙ୍କ ଘନିଷ୍ଠ ସହଯୋଗୀ ଅର୍ପିତା ମୁଖାର୍ଜୀଙ୍କୁ ଅଗଷ୍ଟ ୧୮ ଯାଏଁ ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି। ପଶ୍ଚିମବଙ୍ଗ ସ୍କୁଲ ସର୍ଭିସ କମିଶନର ଶିକ୍ଷକ ଚୟନରେ ଅନିୟମିତତା ଓ ଅର୍ଥ କାରବାର ନେଇ ଉଭୟ ପାର୍ଥ ଓ ଅର୍ପିତାଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିଛି।
ଉଭୟ ପକ୍ଷର ଜବାବ ଶୁଣିବା ପରେ, ନ୍ୟାୟାଳୟ ଉଭୟଙ୍କୁ ବିଚାର ବିଭାଗୀୟ ହାଜତକୁ ପଠାଇବାକୁ ନିର୍ଦ୍ଦେଶ ଦେଇଛନ୍ତି। ସୂଚନା ଅନୁଯାୟୀ, ଅର୍ପିତାଙ୍କ ଓକିଲ ଜାମିନ ପାଇଁ ଯୁକ୍ତି କରିନଥିଲେ କାରଣ ବାହାରେ ତାଙ୍କ ଜୀବନ ପ୍ରତି ବିପଦ ଥିବା ସେ ଦର୍ଶାଇଥିଲେ। ତେବେ ଅର୍ପିତାଙ୍କୁ ୪ ଜଣରୁ ଅଧିକ ବନ୍ଦୀ ଥିବା କୋଠରୀରେ ନ ରଖିବା ପାଇଁ ସେ କୋର୍ଟଙ୍କୁ ଅନୁରୋଧ କରିଥିଲେ।
ପାର୍ଥ ଚାଟାର୍ଜୀଙ୍କ ଓକିଲ କହିଥିଲେ ଯେ ତାଙ୍କ ମହକିଲ ଲାଞ୍ଚ ମାଗିବା ନେଇ କୌଣସି ପ୍ରମାଣ ନାହିଁ। ଯଦି ପ୍ରମାଣ ଅଛି, ପ୍ରବର୍ତ୍ତନ ନିର୍ଦ୍ଦେଶାଳୟ ତାହା ଦେଖାଇବାକୁ କହିଥିଲେ।
Comments are closed.